Тариалангийн талбайд цацсан бордооноос болж, Техасын ранчо дээр үхэр, загас, адуу үхэж, өвдөж байна гэж WFAA мэдээллээ.

Харин бордоо үйлдвэрлэдэг компани нь, үйлдвэрлэсэн бүтээгдэхүүн нь улсын стандартад нийцдэг, аюулгүй бөгөөд засгийн газраас хаягдлыг дахин боловсруулах үнэ цэнэтэй туршлагад тооцон ашиглахыг дэмждэг гэж мэдэгджээ. Уг бордоог, Форт Ворт хотын хүний ​​ялгадасаар хийдэг байна.

Уг бордоо газар нутгийг нь хордуулсан гэж малчид шүүхэд хандсан бөгөөд тус дүүргийн удирдлагууд эрүүгийн хэрэг үүсгэн шалгаж эхэлжээ.

Фермер Тони Коулман, "10 үхэр, хоёр адуу, таван цөөрмийн бүх загас үхсэн. Бид сандарч, айж байна. Бордооноос болж газар нутаг бохирдож, мал, загас үхэж байна” хэмээн гомдол гаргаснаа ярьжээ.

Дүүргийн мөрдөн байцаагч Джонсон Эймс, био хатуу бодисоос бүтсэн бордоог шинжлүүлэхэд, хүний ​​ялгадсаас үүсдэг, "мөнхийн химийн бодис" гэж нэрлэгддэг PFAS-ээр дүүрэн байсан бөгөөд хохирогчдын газар, эд хөрөнгө дээр уг бохирдол өргөн тархсан байсан гэжээ. Тэрээр нэг жилийн турш,Техасын хөдөөгийн нэгэн ранчо дээр уг химийн хорт бодис хэрхэн үүссэнийг тогтоохоор эрдэмтэд, мэргэжилтнүүдтэй хамтран ажилласан юм. Гарсан дүгнэлтийг Жонсон дүүргийн шүүхэд саяхан танилцуулжээ.

Байгаль орчны байгууллагын албан хаагчид болон эрдэмтэд, энэ бүхэн Форт-Уэрт хотын цэвэрлэх байгууламжийн лагийг ашигладаг үйлдвэрээс эхэлсэн гэж үзжээ. Гэхдээ, Байгаль орчныг хамгаалах агентлагийн олон тооны судалгаа, мэдээллээс үзэхэд, PFAS химийн бодис нь, шампунь, хивс, хайруулын таваг, гоо сайхны бүтээгдэхүүн гэх мэт бүх төрлийн бүтээгдэхүүн хийхэд хэрэглэгддэг. Эдгээр нь хүний ​ялгадсаар бохир ус цэвэрлэх байгууламжид очиж, цэвэршүүлэх явцад био хатуу бодис үүсгэдэг байна. Бохир усны лаг гэж нэрлэгддэг эдгээр био хатуу бодисыг бордоо хийхэд ашиглаж болно гэж үздэг бөгөөд үүнийг Synagro компани, Fort Worth хоттой гэрээ байгуулсны үндсэн дээр бордоо хийдэг байна.

Фермер Тони Колеман болон өөр дөрвөн газрын эзэд, Synagro компанийг газар нутгаа бохирдуулсан хэргээр шүүхэд өгөөд байна. Өргөдөлтэй танилцсанТойргийн комиссын гишүүд шоконд орсноо илэрхийлсэн бөгөөд Комиссар Кенни Хауэлл, "Эдгээр бодисууд хаашаа ч алга болохгүй, олон зууны турш хөрсийг хордуулж ирсэн гэгддэг. Гэтэл хажууд, дэргэд маань ийм зүйл болж байгаа нь аймшигтай. Хамгийн түрүүнд Чернобыль санаанд орсон. Энэ бол гамшиг!" гэж ярьжээ.

"Миний хамгийн түрүүнд бодсон зүйл бол энэ бол Чернобыл юм. Энэ бол зүгээр л гамшиг" гэж Комиссар Кенни Хоуэлл хэлэв. "Эдгээр бодисууд хаашаа ч явахгүй." Тэд олон зууны турш хөрсийг хордуулсан."