АНУ-д шинээр амьдрал эхлэхэд жолооны үнэмлэх нь нэн шаардлагатай бичиг баримт бөгөөд автомашин жолоодох нь Америк амьдралын нэгэн чухал хэсэг билээ. Эмийн сангаас эм авах, банкаар үйлчлүүлэх гэх мэт өч төчнөөн зүйлсийг машинаа унангаа Drive-in буюу машинаасаа буулгүйгээр гүйцэлдүүлэх боломжтой. Зөвхөн авто машин унахад хэрэглэгдэхээс гадна нь ID буюу таныг тодорхойлох үнэмлэх болдог бөгөөд албан байгууллагаар үйлчлүүлэхэд, даатгалын үйлчилгээ авахад, кредит түүх үүсгэхэд хүсэлт гаргах гэх мэт зүйлсүүдэд таныг тодорхойлох бичиг баримт болдог. Тиймээс энэхүү чухал бичиг баримтын талаар авч үзье!

Хэдийгээр таны Монгол жолооны үнэмлэх эсвэл олон улсын жолооны үнэмлэх зарим мужид зөвшөөрөгдөх боловч АНУ-ын муж бүр өөр өөрийн гэсэн хуультай байх ба зарим муж нь нэг жил хүртэл хугацаанд өөр улсын жолооны үнэмлэхийг ашиглаж тээврийн хэрэгсэл унах, ашиглахыг зөвшөөрч байхад зарим муж нь огтхон ч зөвшөөрдгүй байна.

Хэдэн наснаас авто машин унаж болох вэ?

Муж мужын хуулиас шалтгаалан “full license” нь 16-18 насны хүнд олгогдох боловч шинэ жолооч нар “restricted license” эсвэл жолооны сургалтад сууж байх үедээ сурагчийн зөвшөөрөл авч болно. Энэ нь мөн л мужаас хамааран 14-16 насныхан авч болдог байна.

Хэрхэн хүсэлт гаргах вэ?

Жолооны үнэмлэх АНУ-д авахдаа та тухайн оршин сууж буй мужийнхаа Department of Motor Vehicles (DMV online search)-д хандах бөгөөд муж мужын хуулиас хамааран процесс нь өөр байдаг. Зарим муж маш энгийн шаардлага тавих бол зарим нь нэлээд өндөр шалгуур тавидаг. Мөн та бүрэн даатгалтай хэн нэгний машиныг авч очин шалгалтаа өгөх хэрэгтэй бөгөөд жишээгээр дараах

мужуудын шалгуурыг үзүүлбэл:

Florida мужид:

• Жолоодох шалгалт (behind-the-wheel driving exam)
• Жолооны дүрмийн шалгалт, тест (the Rules of the Road book / замын хөдөлгөөний дүрмийг DMV-гийн онлайн сайтаас уншиж бэлдэх)
• Харааны шалгалт
• Олон улсын жолооны үнэмлэх (хэрэв байгаа бол)

California мужид:

• Хаяг аа солисон бол 10 өдрийн хугацаанд хүсэлт илгээх
• Жолоодох шалгалт (behind-the-wheel driving exam)
• Жолооны дүрмийн шалгалт, тест (замын хөдөлгөөний дүрмийг DMV-гийн онлайн сайтаас уншиж бэлдэх)
• Төлбөр: $31
• Харааны шалгалт
• Виза 60 өдрөөс багагүй өдрийн хугацаатай байх,
• Social Security Number (SSN) - Нийгмийн даатгалын дугаар
• Нэгдсэн Улсын иргэн, оршин суугчийн баталгаа
• Авто тээврийн хэрэгслийн аюулгүйн үзлэг 2 жил тутам 6 жилээс илүү хугацаанд үйлдвэрлэгдсэн автомашинд хийлгэсэн байх

Washington D.C

• Жолоодох шалгалт (behind-the-wheel driving exam)
• Жолооны дүрмийн шалгалт, тест (замын хөдөлгөөний дүрмийг DMV-гийн онлайн сайтаас уншиж бэлдэх)
• Төлбөр: бичиг баримт олгох $44 + шалгалт $10
• Харааны шалгалт
• ID card - ID Үнэмлэх
• Social Security Number (SSN) - Нийгмийн даатгалын дугаар
• No outstanding debt with the District of Columbia-д хугацаа хэтэрсэн өр, зээлгүй байх,
• Нэгдсэн Улсын иргэн, оршин суугчийн баталгаа
• Өөрт байгаа жолооны үнэмлэхийн орчуулга
• Авто тээврийн хэрэгслийн аюулгүйн үзлэгт 2 жил тутам орсон байх,

New York

• Хаяг солигдсон бол 30 өдрийн хугацаанд хүсэлт илгээх,
• Жолоодох шалгалт (behind-the-wheel driving exam)
• Жолооны дүрмийн шалгалт, тест (замын хөдөлгөөний дүрмийг DMV-гийн онлайн сайтаас уншиж бэлдэх)
• 5 цагийн жолооны сургалтад сууж жолооны шалгалт өгөх,
• Social Security Number (SSN) - Нийгмийн даатгалын дугаар,
• Авто машины даатгал,
• Авто тээврийн хэрэгслийн аюулгүйн үзлэгт жил бүр орсон байх,

Мөн та тухайн амьдарч буй эсвэл амьдрах гэж байгаа мужынхаа Department of Motor Vehicles (DMV) албан ёсны веб сайтаас дэлгэрэнгүй шаардлагуудыг үзэж мэдээлэл аваарай!