АНУ-д цагаачлан ирсэн хүмүүсийн олонх нь өөр улсад амьдардаг төрөл төрөгсөдтэй бөгөөд тэднийгээ авчирах боломжтой эсэхийг асуудаг. Энэ нь боломжтой, гэхдээ энэ нь олон хүний ​​бодож байгаа шиг амар биш бөгөөд хэрэв хэн нэг нь АНУ-д суурьшвал, бүхэл бүтэн гэр бүлээрээ ногоон карт авч болно гэсэн үлгэр домог шиг яриа явдаг нь худал юм. Үнэндээ энэ асуудал илүү хязгаарлагдмал, илүү төвөгтэй гэсэн тайлбар  Nolo. нийтэлжээ.

Та ойр дотныхоо ямар хүмүүсийг Америк руу цагаачлахад туслах эрхтэй вэ?

Та гэр бүлийн гишүүдээ АНУ-д авчрах хүсэлт гаргаж болно (ихэвчлэн "ногоон картын ивээн тэтгэлэг" гэж нэрлэдэг). Үүнийг хийхийн тулд та АНУ-ын иргэн эсвэл байнгын оршин суугч (ногоон карт эзэмшигч) байх шаардлагатай. Гэхдээ та гэр бүлийн бүх гишүүдийг АНУ-д урих боломжгүй, зөвхөн доор жагсаасан хүмүүсийг урьж болно.

• 21 ба түүнээс дээш насны АНУ-ын иргэн, эцэг эхийгээ цагаачлахад тусалж чадна. Цагаачдын ангилал нь ойр дотны хүмүүс юм.
• 18 ба түүнээс дээш насны АНУ-ын иргэд эхнэр, нөхөр эсвэл гэрлээгүй, насанд хүрээгүй хүүхдүүдээ АНУ-д авчирах хүсэлт гаргаж болно. Цагаачдын ангилал нь ойр дотны хүмүүс юм.
• Хэрэв АНУ-ын иргэд, гэрлэсэн эсвэл 21-ээс дээш насны хүүхдүүдээ Америкт авчирах хүсэлт гаргавал, харьцангуй илүүд үздэг ангилалд багтах бөгөөд тэдний цагаачлалын үйл явц маш олон жил үргэлжилж болно.
• 21 ба түүнээс дээш насны АНУ-ын иргэд, ах, эгч нараа авчирах хүсэлтийг харьцангуй илүүд үздэг ангилалд оруулдаг боловч, энэ үйл явцад олон жил шаардагдана.
• АНУ-ын иргэд (ногоон карт эзэмшигчид), гэрлээгүй хүүхдүүдийнхээ цагаачлалын өргөдөл гаргах эрхтэй. Тэдгээрийг харьцангуй давуу гэж ангилна.
• АНУ-ын иргэд эхнэр, нөхөртөө цагаачлахад нь туслах боломжтой. Цагаачдын ангилал нь харьцангуй давууд орно.

Энэ жагсаалтад, өвөө эмээ, үеэл, нагац эгч, авга ах, хадмууд болон гэр бүлийн бусад гишүүд ороогүй байгааг анзаарсан байх. Хэдийгээр  цагаач иргэн, иргэншил авсан байсан ч эдгээр хүмүүсийг Америк руу авчирах боломжгүй юм.

Хамаатан садан нь гэр бүлээ нэгтгэх ногоон картыг хэр удаан хүлээх вэ?

Ойрын хамаатан садан нь хязгаарлалтын талаар санаа зовохгүйгээр ногоон карт авах боломжтой. Гэсэн хэдий ч өргөдөл боловсруулах үйл явц хэдэн сар үргэлжилнэ.

Хамаатан садан нь виз эсвэл ногоон карт авахыг зөвшөөрөхөөс өмнө ихэвчлэн хэдэн жил хүлээх шаардлагатай болдог. Энэ бүхэн ногоон картын дээрх ангилалд заасан хязгаарлалттай холбоотой юм.

Дундаж хүлээх хугацаа

Ерөнхийдөө илүү давуу ангилалд нэр дэвшигчид бага хүлээдэг. 2022 оны дундаж хүлээх хугацаа дараах байдалтай байна.

Эхний (F1) харьцангуй давуу ангилалд АНУ-ын иргэний гэрлээгүй насанд хүрсэн хүүхдүүдийн хүлээх хугацаа найман жил байна. Гэвч олон тооны өргөдөл ирдэг учираас энэ хугацаа Мексикийн иргэдэд 22 жил, Филиппиний иргэдэд арван жил болж нэмэгджээ.

Хоёр дахь (F2A ба F2B) харьцангуй давуу ангилалд багтдаг АНУ-ын оршин суугчдын эхнэр, нөхөр, хүүхдүүдийг нэн даруй зөвшөөрч болно. Одоогоор 2А ангиллын эхнэр, нөхөр, насанд хүрээгүй хүүхдүүдийг хүлээлгэдэггүй ч, урд нь өмнөх эх орноос нь хамаарч 2-22 жил хүлээлгэдэг байсан. Ангилал 2В-д гэрлээгүй 21-ээс дээш насны хүүхдүүдийн хүлээх дундаж хугацаа ихэнх улс орнуудад долоон жил, Мексикийн иргэдэд 22 жил, Филиппиний иргэдэд 11 жил байна.

Харьцангуй давуу эрхийн гурав дахь ангилалд багтдаг АНУ-ын иргэдийн гэрлэсэн хүүхдүүд 14 жил хүртэл хүлээдэг байна. Хүлээх хугацаа нь Мексикийн иргэдэд 25 жил, Филиппиний иргэдэд 20 жил байна.

Дөрөв дэх ангилалд хамаарах АНУ-ын иргэдийн ах, эгч нар 15 орчим жил хүлээдэг. Энэ хугацаа нь Энэтхэгийн иргэдэд 17 жил, Мексикийн иргэдэд 22 жил, Филиппиний иргэдэд 20 жил байна.

Эдгээр хүлээлгийн хугацаа нь сар сараар бага зэрэг өөр байж болох ч ангиллын хандлага ерөнхийдөө хэвээр байгаа аж.