Cell Reports Medicine сэтгүүлд нийтлэгдсэн шинэ судалгаагаар Виагра нь улаан хоолойн хорт хавдрыг эмчлэхэд үр дүнтэй гэж BGR мэдэгджээ.

Судалгааг Их Британийн Хавдар судлалын байгууллага болон Анагаах ухааны судалгааны зөвлөлөөс санхүүжүүлсэн бөгөөд фосфодиэстераза төрлийн 5 эсвэл PDE-5 дарангуйлагчид улаан хоолойн хавдар агшихад тусалдаг болохыг тогтоожээ. Нэмж дурдахад PDE-5 дарангуйлагчид өвчиний хими эмчилгээнд тэсвэртэй байдлыг устгахад тусалдаг бөгөөд Виагра нь PDE-5 дарангуйлагч тул хорт хавдрын эсрэг эм болж хувирдаг гэжээ.

Мөн улаан хоолойн хорт хавдрын явц хурдан явагдах хандлагатай байдаг. Учир нь бичил орчин (хавдрын эргэн тойрон дахь хэсэг) нь халдвар авсан молекулууд болон цусны судаснуудаас бүрддэг. Тэд хавдрын эргэн тойронд хамгаалалтын бүс үүсгэж, химийн эмчилгээнд тэсвэртэй болгодог. PDE-5 дарангуйлагчийг хорт хавдрын эсрэг эм болгон хэрэглэхэд, хавдрыг химийн эмчилгээнд илүү өртөмтгий болгодог байна.

Судалгааны цуглуулсан мэдээллээс харахад улаан хоолойн хорт хавдартай гэж оношлогдсон 10 өвчтөн тутмын нэг нь л оношлогдсоноос хойш 10 гаруй жил амьдардаг. Эдгээр хүндрэлээс болж хорт хавдрын эсрэг эм үйлдвэрлэх оролдлого олон удаа хийгдсэн. Гэсэн хэдий ч тэдгээрийн аль нь ч улаан хоолойн хорт хавдрын эргэн тойронд хорт хавдартай хөрш фибробластуудын (CAF) химийн хариу урвалыг нэмэгдүүлэхэд үр дүн өгөөгүй байна.

Гэхдээ Виагра болон бусад PDE-5 дарангуйлагчид CAF-ийг хими эмчилгээнд илүү хариу үйлдэл үзүүлж байгаа нь хорт хавдрын эсрэг найдвартай, үр дүнтэй эм болох нь батлагдаад байгаа аж. Мөн, эдгээр үр дүнг судлаачид оношлогдсон хугацаа, үе, хариу урвал бага байдаг зэргээс үнэлэхэд хэцүү байна гэжээ.

Хорт хавдрын бусад судалгаанууд нь хорт хавдар устгах вирус болон арьсны хорт хавдрыг өвдөлтгүй устгадаг цацраг идэвхт гель бүтээхэд тусалсан. Судлаачид Виаграгийн хорт хавдрын эсрэг эмийн үр нөлөөг олж мэдсэнээр, энэ нь судалгаа, эмчилгээний шинэ үүд хаалгыг нээж магадгүй юм гэж бичжээ.