Найдвартай хорт хавдрын эм dostarlimab, хэрэглээнд гарахад нэг алхам ойртож байна. Хүнс, Эмийн Захиргаа (FDA) уг эмийг Breakthrough Therapy гэж нэрлэсэн бөгөөд үр дүн нь батлагдвал зах зээлд гарах хугацааг хурдасгах гэж байгаа талаар New Atlas мэдээлжээ.

Зургадугаар сард dorstarlimab-ын (Жемперли брэнд) туршилтын гайхалтай үр дүнг, The New England Journal of Medicine сэтгүүлд нийтэлсэн. Dorstarlimab нь, програмчлагдсан үхлийн рецептор 1 (PD-1) эсрэгбиетийг блоклосноор мэс засал, цацраг туяа, хими эмчилгээний шаардлагагүйгээр бүдүүн гэдэсний хорт хавдрыг бүрэн устгадаг. Энэхүү (Программчлагдсан үхлийн рецептор 1 (PD-1) нь, дархлааны тогтолцооны зарим эсүүд, ялангуяа Т лимфоцитуудын гадаргуу дээр байдаг уураг юм. Энэ нь биеийн дархлааны хариу урвалыг зохицуулах, ялангуяа биеийн өөрийн эд эсэд гэмтэл учруулж болзошгүй дархлааны системийг хэт идэвхтэй болохоос сэргийлэхэд гол үүрэг гүйцэтгэдэг бөгөөд дархлааны хяналтын цэг гэж нэрлэгддэг дархлааны хяналтын цогц системийн нэг хэсэг юм.

Энэхүү үр дүнтэй дархлаа эмчилгээ нь, бүдүүн гэдэсний хорт хавдартай өвчтөнүүдийн эмчилгээг эрс өөрчилнө. Одоогийн эмчилгээ нь, үржилийн эрхтэн болон шээс барих чадварыг нь алдуулах зэргээр олон сөрөг үр дагаварт хүргэдэг байна.

Энэ эм нь, бүдүүн гэдэсний хорт хавдартай өвчтөнүүдийн эмчилгээний загварыг өөрчлөхөд тусална гэж GlaxoSmithKline (GSK) компанийн судалгаа, хөгжлийн ахлах дэд ерөнхийлөгч Хешам Абдулла ярьжээ.

Эмчилгээний шинэ дэвшилтэт эмчилгээ буюу статус нь, шинэ эмийг нэвтрүүлэхэд чиглэгддэг. 2024 оны 6-р сарын байдлаар FDA 1,516 статус авах хүсэлт хүлээн авсаны, 587 хүсэлтийг зөвшөөрчээ. Энэ нь өмнөх жилүүдийнхтэй ижил үзүүлэлт юм.

Достарлимаб нь, Мемориал Слоан-Кеттерингийн хорт хавдрын төвд бүдүүн гэдэсний хорт хавдартай өвчтөнүүдэд туршилт хийснээс хойш хорт хавдар судлаачдын анхаарлыг татаж, хяналтдаа авсан бэлдмэл бөгөөдөвчтөнүүдийн хавдрыг устгаж, мөн өвчин нь дахиагүй байгаа юм.

24 өвчтөнийг эмчилсэн анхны тайлангийн дараа MSK, эмийн туршилтын 42 оролцогчийн мэдээллийг оруулж үр дүнг шинэчилсэн. MSK-ийн гастроэнтерологич Андреа Серчек, "Эмнэлзүйн туршилтанд хамрагдсан бүх хүмүүсийн биеийн байдал маш сайн байгаа, одоогийн байдлаар 42 хүн эмчилгээ хийлгэсэн, бүгдэд нь өвчний шинж тэмдэг илрээгүй. Гаж нөлөөний хувьд, нэлээд зөөлөн, ноцтой зүйл илрээгүй. Энэхүү шинэ эмчилгээ нь маш сайн үр дүнтэй болох нь батлагдсан. Хамрагдсан хүмүүсийн дийлэнх нь, нэг жилээс дээш, харин анхны оролцогчид дөрвөн жил эрүүл, одоо ч эрүүл хэвээр байна. Амжилтын хувь 100 хувь хэвээр байна” гэсэн байна.

Одоо FDA-ийн тусламжтайгаар уг эмийг нэмэлт туршилт, шуурхай хянан шалгах үйл ажиллагаа явагдаж байна. Хэрэв энэ үе шатанд амжилттай байвал, дэвшилтэт бус эмээс ойролцоогоор гурван жилийн өмнө эмчилгээндөргөнөөр ашиглагдна.

АНУ-д жил бүр ойролцоогоор 46,220 хүн бүдүүн гэдэсний хорт хавдартай гэж оношлогддог бөгөөд эдгээр тохиолдлын 10 хүртэлх хувь нь dMMR/MSI-H хорт хавдар байдаг байна.