Христийн Мэндэлсний Баяр нь, гайхалтай баярын уур амьсгалаар дүүрэн, халуун ундааны цаг юм.  Уламжлалт баяр болгон өөрийн үүсэл, үндэслэл болон ер бусын баримтуудтай байдаг бөгөөд Зул сарын баярт ч бас сонирхолтой баримтууд байдаг. Berries хүн бүрийн дуртай энэхүү баяртай холбоотой хамгийн сонирхолтой баримтуудын жагсаалтыг гаргажээ.

1. Түүхэн дэх хамгийн өндөр мод нь Сиэтл (Вашингтон) хотод байсан. Түүний өндөр нь 221 фут (67 м) хүрч байв.
2. Чихрэн таяг Германд зохион бүтээгдэж, энэ нь анх Есүсийг илэрхийлдэг J үсэг байжээ. Улаан судал нь түүний цусыг бэлэгддэг.
3. Хар баасан гараг бол жилийн хамгийн их  худалдааны борлуулалттай өдөр биш харин Зул сарын баярын өмнөх хоёр өдөр юм.
4. Хамгийн их орлого олсон 20 киноны 1/3 нь зул сарын баярын үеэр дэлгэцнээ гарсан нь баяраар кино үзэх нь түгээмэл уламжлал байдгийг нотолдог байна.
5. Японд Зул сарын баяраар KFC иддэг заншилтай. Захиалгыг хоёр сарын өмнө өгөхгүй бол хоцордог.
6. Jingle Bells нь анх 1857 онд Талархлын баярын тухай дуу байсан. Энэ нь сансарт дуулсан анхны дуу болсон юм. Үүнийг сансрын нисгэгч Уолтер Ширра, Томас Стаффорд нар дуулсан.
7. Зул сарын баяр нь, "Христийн месс" гэсэн утгатай Cristes Maesse гэсэн үгнээс гаралтай.
8. Зул сарын баярын ширээний хоолны үлдэгдлээс болж 400,000 гаруй өвчин үүсдэг.
9. Зул сарын баяр нь албан ёсны бус байсан. Оклахома 1907 онд Зул сарын баярыг бүх нийтийн амралтын өдөр болгосон АНУ-ын сүүлчийн муж болжээ.
10. Зул сарын баяр бол олон хүний ​​бодож байгаа шиг Христийн төрсөн өдөр биш юм. Библид бичсэнээр бол Христ өвлийн улиралд төрөөгүй.
11. Америкчууд жилд 1.6 тэрбум зул сарын ил захидал худалдаж авдаг.
12. Зул сарын баярын үеэр Виза картыг минут тутамд ойролцоогоор 6000 удаа ашигладаг.
13. Франклин Пирс бол Цагаан ордонд гацуур модыг албан ёсоор тавьж чимэглэсэн анхны ерөнхийлөгч юм.
14. Арванхоёрдугаар сарын 25-ны өдрийг Санчир гаригийн харийн баяр, үдэшлэг, мөрийтэй тоглоом, тахил өргөхтэй давхцаж байгаа учраас сонгосон гэж үздэг.
15. Христийн Мэндэлсний Баярын гэрлүүд маш үнэтэй байсан тул зарахаас илүүтэйгээр түрээслүүлдэг байв. 1900 онд цахилгаанаар гэрэлтдэг мод хүний статусыг билгэддэг байв.
16. 2010 оны Facebook-ийн судалгаагаар, Христийн Мэндэлсний Баярын өмнөх хоёр долоо хоног бол салах хамгийн алдартай үе гэж гарчээ.
17. 2012 онд 15,000 гаруй хүн бэртэж гэмтсэн нь баяр ёслолын үеэр, (11-р сараас 12-р сар) гэр орноо чимэглэхтэй холбоотой байв. Хамгийн түгээмэл нь өндрөөс унах (34%)байжээ.
18. Хамгийн олон баярын гэрлүүдийг Австралид байрлуулж байсан бөгөөд 1,194,380 гэрлийн чийдэн 3,865 хавтгай дөрвөлжин метр талбайг гэрэлтүүлж, Дэвид Ричард гэгч ингэж зугаацаад зогсоогүй янз бүрийн байгууллагад зориулан хандив цуглуулсан байдаг.
19. Шилдэг 6 зул сарын гацуур модыг Орегон, Хойд Каролина, Пенсильвани, Мичиган, Вашингтон, Висконсин мужуудад ургуулдаг.
20. Канадын Ванкувер хотод анхны зул сарын цамцны үдэшлэг болж, энэхүү уламжлал бий болсон гэж үздэг.
21. Зул сарын мэнд хүргэе гэсэн хэллэг дэх Merry гэдэг үгийг тэр бүр ашигладаггүй. Учир нь хөгжилтэй гэдэг нь өөрөө бага зэрэг хордлого гэсэн үг гэнэ.
22. Мичиган мужийн Мидланд дахь Чарльз Ховард Санта Клаусын сургуульд жил бүр 130 орчим Санта нар сурдаг. Тэд дүрийн түүх, алдартай тоглоомууд, Санта Клаусын ёс зүйд суралцдаг.
23. 1980 онд Зул сарын баяраар хамгийн их зарагдсан тоглоом нь 1.99 долларын үнэтэй Рубик шоо байсан бол одоо энэ шоо 10 долларын үнэтэй.
24. Каролинг гэдэг ойлголт нь Христийн Мэндэлсний Баяртай ямар ч холбоогүй юм. Carols нь 12-р зуунд Англид ирэх хүртлээ литургийн дуунууд байсан бөгөөд бэлэгний оронд сайн сайхныг хүсдэг дуу байв.