Хиймэл оюун ухаан (AI) хөгжсөний улмаас дэлхий даяар хүн биечлэн гүйцэтгэдэг ​​​​үйл ажиллагааны бараг 40% нь алга болж магадгүй байгаа бөгөөд энэ нь ямар ч хувьсгалаас илүү хурдан үгүй болгох чадвартай. Мөн ямар ажил мэргэжлүүд алга болох эрсдэлтэй болон эсрэгээрээ ямар мэргэжлүүд хөндөгдөхгүй байх талаар Forbes нийтэлжээ.

Мета, 2025 оны эхний улиралд дэлхий даяархи ажиллах хүчнийхээ 5 орчим хувийг буюу 3,600 ажилтнаа цомхотгохоо зарласан бөгөөд үүнийгээ үр дүнгүй ажиллагсдаасаа ангижрах арга гэж танилцуулсан. Гэвч үүнд өртсөн олон ажилтнууд нь, тус компани хиймэл оюун ухааныг хүний ​​хөдөлмөрөөс илүү тавьж, үр ашгийг нь чухалчилж байна гэж эсэргүүцэж байгаа юм.

Марк Зукерберг, цомхотголын дараа ажилтнуудын авъяас чадварын түвшиний шалгуурыг өндөрсгөж, хиймэл оюун ухаан, машин сургалтын мэргэжлээр ажилд авах асуудлыг түргэсгэх хүсэлтэй байгаагаа ил тод илэрхийлж байсан билээ.

Ажлын байрыг халах, шинэ хөдөлмөрийн зах зээл

Мета энэ асуудал дээр ганцаараа биш, өөр хэд хэдэн томоохон ажил олгогчид ижил байр суурьтай байгаа юм. Компаниуд хиймэл оюун ухааны үр ашгийг илүү хүртэхийн тулд олон мянган ажилчдаа цомхотгож байна. Хиймэл оюун ухааны дараагийн хувьсгалын үед, ажиллах хүчний бүтэц шинэчлэгдэх нь тодорхой байна.

Дэлхийн эдийн засгийн форумаас (ДЭФ) гаргасан мэдээллүүд юутай ч эерэг байна. 85 сая орон тоо хасагдсан ч, 97 сая ажлын байр шинээр бий болно, ялангуяа өгөгдлийн шинжлэх ухаан, хиймэл оюун ухааны хөгжил, хяналт, хиймэл оюун ухаан/хүний ​​үүрэг оролцоо зэрэг төрлүүдээр нэмэгднэ гэжээ.

2025 онд хиймэл оюун ухаанаар солигдох эрсдэлтэй 11 ажлын байр

Хиймэл оюун ухааныг хэрэгжүүлэх нь 2025 он болон түүнээс хойшхи бизнесийн тэргүүлэх чиглэлүүдийн нэг гэдгийг ажил олгогчид эртнээс илэрхийлж ирсэн. 73% нь хиймэл оюун ухаанд бооцоо тавьж байгаагаа хүлээн зөвшөөрөөд байна.

Job board Indeed саяхан "хүний оролцоогүйгээр машин эсвэл программууд гүйцэтгэж чадах ажил" буюу автоматжуулалтад өртөх эрсдэлтэй ажлын шинэ жагсаалтыг гаргажээ.

Үүнд.

• Үйлдвэрлэлийн ажил (машин ажиллуулах, бүтээгдэхүүн боловсруулах, турших, савлах гэх мэт);
• Жижиглэнгийн худалдаа (харилцагчийн үйлчилгээ, бараа материалын менежмент, залилангийн шинжилгээ);
• Тээвэр, ложистикийн ажлын байр (жолооч нар жолоочгүй тээврийн хэрэгслээр солигдож байна, жишээ нь, Waymo);
• Өгөгдөл оруулах, дүн шинжилгээ хийх, дүрслэх үндсэн ажил;
• Санхүүгийн шинжилгээ, таамаглал;
• Аялал жуулчлалын агентлагууд;
• Орчуулагчид;
• Татвар, үндсэн бүртгэл, тайлан;
• Засварлагч;
• Туслах хуульч;
• График дизайнерууд.

2025 онд хиймэл оюун ухаанаас хамгаалагдсан 15+ ажлын байр:

AI-тай ажиллах (AI дизайн)

Эдгээр нь хиймэл оюун ухаантай ажиллах эсвэл хиймэл оюуныг зөв ажиллуулах боломжийг олгодог албан тушаалууд юм.

Үүнд:

1. Машин сургалтын инженерүүд;
2. Програм хангамж хөгжүүлэгчид;
3. Мэдээлэл боловсруулах мэргэжилтнүүд;
4. Кибер аюулгүй байдлын инженерүүд;
5. AI агент менежерүүд.

AI-тай ажиллах (AI-тай хамтран ажиллах)

Энэ ангилалд боловсрол, эрүүл мэнд, бизнес/корпорацын ажил.

Үүнд:

1. Мэргэжлийн сувилагч;
2. Бүжиг дэглээчид;
3. Түргэн тусламжийн эмч;
4. Сэтгэцийн эрүүл мэндийн мэргэжилтнүүд, зөвлөхүүд;
5. Багш нар - K-12 ба түүнээс дээш, дээд боловсролын багш, багш;
6. Профессорууд;
7. Барилгын инженерүүд;
8. Мэс засалчид;
9. Төслийн менежерүүд;
10. Захирал, үйл ажиллагааны менежерүүд;
11. Хөгжимчид;
12. Сэтгүүлчид.