Мэргэжилтнүүдийн тооцоолсноор, Америк мөрөөдөл одоо дөрвөн ам бүлтэй гэр бүлд жилд доор хаяж 150,000 гаруй ам.доллар байна. Энэ тоо амьдарч буй мужуудаас хамаарч өөр өөр байна гэж USAToday мэдээлэв.

Америк мөрөөдөл нь хүн бүрийн хувьд өөр өөр байдаг ч, ирээдүйн тухай төсөөллийг нь тусгаж байдаг. Энэ нь эхнээс нь өөрийгөө босгож, зорилгодоо хүрэхийн тулд шаргуу хөдөлмөрлөх, карьераа босгох, гэр бүл зохиох, ядаж нэг машинтай болох, дундаж үнэтэй байшинд амьдрах, эрүүл мэндийн даатгалд хамрагдах зэрэг боломжуудыг багтаана.

Одоогоос 10 жилийн өмнө Америк мөрөөдөл жилдээ 130,908 долларын үнэтэй байжээ. Гурван ерөнхийлөгч солигдож, цар тахалыг даван туулж, инфляци рекорд тогтоосон өнөө үед, америк мөрөөдөл хэр үнэтэй болсныг шинжээчид тогтоожээ.

Одоо энэ мөрөөдөл нь, 36% буюу 47,000 доллараар өссөн байна. Сайн мэдээнь, АНУ-ын Хүн амын тооллогын товчооны мэдээлснээр өрхийн дундаж орлого мөн 46% -иар өссөн байна. Харин муу мэдээ нь, Хүн амын тооллогын товчооны тооцоолсноор 8 өрх тутмын 1 нь л, 10 жилийн өмнөх мөрөөдлөө төлөх хэмжээний орлого олсон байна. Энэ харьцаа төдийлөн өөрчлөгдөөгүй нь харагджээ.

Ерөнхийдөө АНУ-ын үнэ, 2014 оноос хойш 32 хувиар өссөн байна. Гэхдээ, бүх зүйл гуравны нэгээр үнээ нэмээгүй. Гэсэн ч, зарим тохиолдолд эдгээр тоо дөнгөж 10 жилийн настай гэж бодоход ялгаа нь гайхалтай байгаа юм.

Орон сууцны зардалд төсвийн ихээхэн хэсэг зарцуулагддаг. Сүүлийн 10 жилийн хугацаанд "Америк мөрөөдлийн" нэмэгдсэн зардлын дөрөвний нэгийг буюу 25,104 долларыг орон сууцны зардал эзэлж байна.Орон сууцны үнэ түүхэн дээд хэмжээндээ хүрсэн төдийгүй 30 жилийн хугацаатай ипотекийн зээлийн хүү 2.5 орчим хувиар өсчээ.

Эрүүл мэндийн зардал, хүнсний үнэ жилд 5500 ам.доллар байна. Эмнэлгийн зардал хамаагүй өндөр болсон нь гайхах зүйл биш юм. 10 жилийн хугацаанд дөрвөн ам бүлтэй гэр бүлийн эрүүл мэндийн зардал арван жилд 32 хувиар буюу 3123 доллараар өссөн байна.

2014 оноос хойш хүнсний үнэ бараг 36 хувиар өсчээ. Энэ өсөлтийн дийлэнх нь 2021-2023 оны хооронд гарсан байна. Гэр бүлийн амралт, гадуур хооллох нь илүү үнэтэй нэмэлт зардалд ордог. Хүнсний хэрэглээний үнийн индексээс харахад нийтийн хоолны газарын оройн хоол бараг 50% -иар өссөн байна. Амралтын зардал 10 жилийн өмнөхөөс 73 гаруй хувиар өндөр байна.

Америк мөрөөдлийн үнийг муж бүрээр харуулсан:

Америк мөрөөдлийн өртөг нь муж бүрт өөр өөр байна. Жишээлбэл, Нью-Йоркт шинжээчид үүнийг 194,067 доллараар үнэлэв. АНУ-ын Хавай дахь хамгийн үнэтэй мөрөөдөл нь 260,734 ам.доллар бөгөөд Калифорниа хоёрдугаарт (245,723 ам.доллар), гуравдугаарт Массачусетс (242,982 ам.доллар) оржээ.

Мужууд:

1. Хавай – 260,734 доллар

2. Калифорни – 245,723 доллар

3. Массачусетс – 242,982 доллар

4. Вашингтон – 209,416 доллар

5. Нью Жерси – 207,462 доллар

6. Нью Хэмпшир – 200,291 доллар

7. Колорадо – 199,235 доллар

8. Коннектикут – 197,635 доллар

9. Нью-Йорк – 194,067 доллар

10. Орегон – 190,481 доллар

11. Род-Айленд - 190,282 доллар

12. Аляска – 186,207 доллар

13. Мэрилэнд – 184,579 доллар

14. Вермонт – 184,223 доллар

15. Виржиниа – 174,580 доллар

16. Миннесота – 173,850 доллар

17. Юта – 173,440 доллар

18. Невада – 169,717 доллар

19. Аризона – 167,693 доллар

20. Монтана – 167,336 доллар

21. Мэн – 163,625 доллар

22. Висконсин – 161,510 доллар

23. Делавэр – 160,494 доллар

24. Флорида – 159,932 доллар

25 Иллинойс - 156,739 доллар

27. Небраска – 153,182 доллар

28. Вайоминг – 152,110 доллар

29. Пенсильвани – 151,512 доллар

30. Хойд Каролина – 149,883 доллар

31. Техас – 147,535 доллар

32. Индиана – 145,431 доллар

33. Жоржиа – 144,343 доллар

34. Мичиган – 141,808 доллар

35. Канзас – 140,893 доллар

36. Теннесси – 140,557 доллар

37. Хойд Дакота – 140,239 доллар

38. Нью Мексико – 140,113 доллар

39. Айова – 138,014 доллар

40. Охайо – 137,842 доллар

41. Өмнөд Дакота – 135,319 доллар

42. Миссури – 134,428 доллар

43. Өмнөд Каролина – $133,939

44. Оклахома – 124,555 доллар

45. Луизиана – 121,101 доллар

46. ​​Баруун Виржиниа – 120,559 доллар

47. Алабама – 117,924 доллар

48. Кентакки – 116,815 доллар

49. Арканзас – 116,511 доллар

50. Миссисипи – 109,516 доллар