Жил бүр гаргадаг Дэлхийн аз жаргалын индексийн тайланд АНУ түүхэн доод түвшиндээ хүрч, найман байраарухарч 23-р байранд орсон нь, АНУ дэлхийн хамгийн аз жаргалтай 20 орны тоонд ороогүй анхны 12 жилийн тайлан юм гэж Axios бичжээ.

Финланд, Дани зэрэг зарим улсууд дэлхийн хамгийн аз жаргалтай улсуудын тоонд байнга ордог. Харин Америкчууд ганцаардал, эдийн засгийн асуудал, улс орныхоо улс төрийн удирдлагад сэтгэл ханамжгүй байх зэрэг янз бүрийн шалтгааны улмаас сэтгэлээр унадаг болохыг олон судалгаа харуулсан бөгөөд үүнтэй холбоотой, АНУ сүүлийн 12 жилд анх удаа дэлхийн хамгийн аз жаргалтай 20 орны тоонд ороогүй байна.

Дэлхийн аз жаргалын тайланг гаргадаг Gallup, АНУ-ын зэрэглэл огцом буурсныг, "30-аас доош насны америкчуудын мэдрэмж дордсон"-той холбон тайлбарлаж байна.

Өнөөгийн залуучууд найз нөхөд, гэр бүлийнхнийхээ дэмжлэгийг бага мэдэрч, амьдралынхаа замыг сонгох эрх чөлөөгөө багассанд тооцож, илүү их стресст орж, амьдралын нөхцөлдөө сэтгэл хангалуун бус байна. Тэдний төрд итгэх итгэл бага, түүнийг авлигад идэгдсэн гэж үзэх магадлал өндөр байна гэж, тайлангийн редактор Лара Акнин Axios-д ярьжээ.

Мөн Хойд Америкт бусад бүс нутгуудаас ялгаатай нь, хөгшин хүмүүс залуу хүмүүсээс илүү аз жаргалтай байна гэж тайланд тэмдэглэжээ.

Олон америкчууд улс төрийн тогтолцоонд үл итгэж, улс төрийн хүчирхийллээс эмээдэг. Цар тахлын улмаас, АНУ-ын залуу үеийнхэнд ганцаардалын мэдрэмж өндөр байгаа нь харагдсан байна. Түүнчлэн тус улсад, рестораны бизнесээс эхлээд үл хөдлөх хөрөнгийн зах зээлд хүртэл нүүрлээд буй инфляци нөлөөлж байна гэж үзжээ.

Дэлхийн хамгийн аз жаргалтай 25 улс:

• Финланд
• Дани
• Исланд
• Швед
• Израиль
• Нидерланд
• Норвеги
• Люксембург
• Швейцарь
• Австрали
• Шинэ Зеланд
• Коста Рика
• Кувейт
• Австри
• Канад
• Бельги
• Ирланд
• Чех
• Литва
• Их Британи
• Словени
• Арабын Нэгдсэн Эмират улс
• АНУ
• Герман
• Мексик

АНУ-ын зэрэглэл бага зэрэг өөрчлөгдсөн аз жаргалын бууралтад, голчлон 30-аас доош насны залуучууд нөлөөлсөн гэсэн өнгөрсөн жилийн дүгнэлтийг энэ жилийн үзүүлэлт баталж байна гэж Gallup сэтгүүлийн дэлхийн мэдээний редактор Жули Рэй хэлсэн бөгөөд тэрээр, 2020-2024 оны хооронд амьдралынхаа замыг сонгох эрх чөлөөтэй гэж итгэдэг залуусын тоо 10 пунктээр буурсан. Энэ нь АНУ-ын ирээдүйн талаарх төсөөлөл болон "Америк мөрөөдөл"-ийг хэрэгжүүлэх боломжийн талаарх "бүүдгэр дүр зургийг" харуулж байна гэжээ.

Хамгийн аз жаргалтай орнуудын чансааг Скандинавын орнууд тэргүүлсээр байгаа бөгөөд хамгийн сүүлийн тайланд Финланд, Дани, Исланд, Швед улс эхний дөрвөн байрыг эзэлжээ.

Gallup-ийн мэдээлснээр, АНУ, Канад, Швейцарь гэсэн гурван улс аз жаргалын зэрэглэлээр "хамгийн муу үзүүлэлттэй арван таван орны тоонд" багтжээ.

"Энэ жил анх удаа аж үйлдвэрийн томоохон гүрнүүд эхний 20-д багтсангүй" гэж тайланд дурджээ.