Тахианы өндөгтэй холбоотой асуудал 2024 оны хамгийн халуун сэдвүүдийн нэг болж ирснээр барахгүй, үнэ нь огцом өсөж зүгээр л дэлгүүрийн тавиураас алга болсны шалтгаан, 111 сая гаруй шувууд шувууны томуугаар өвчилсөнтэй холбоотой гэж Food & Wine мэдээлэв.

АНУ даяар, дэлгүүрүүд тахианы өндөгний хомсдолд ороод байна. Үйлдвэрлэгчдийг, тахиаг торонд үржүүлэхгүй байхыг шаарддаг мужуудад, шувууны томуу (HPAI) өвчний тохиолдол ихсэж , Юта, Орегон, Калифорниа, Вашингтонд саяхан дэгдэлт гарсан гэж АНУ-ын өндөг үйлдвэрлэгчдийн Зөвлөлийн (AEB) гүйцэтгэх захирал, ерөнхийлөгч Эмили Метз мэдэгджээ.

Америкт өндөглөгч тахианы 40 гаруй хувийг, торгүй нөхцөлд үржүүлдэг. Гэтэл, шувууны ханиадны 60 хувь нь эдгээр фермүүдэд гарчээ. АНУ-ын Хөдөө аж ахуйн яамны сарын тайланд дурдсанаар, өндөгний үйлдвэрлэл есдүгээр сард өмнөх оны мөн үетэй харьцуулахад 2.6%-иар, өмнөх сарынхаас 1.6%-иар буурсан байна. Аравдугаар сард байдал улам дордсон. Уг тайланд тэмдэглэснээр, "10-р сард Юта, Вашингтон, Орегон мужуудын үйлдвэрлэгчид 2.8 сая өндөглөгч тахиагаа алдсан байна. Өндөгний үйлдвэрлэл 2025 оны эхний хагаст буурч, үнэ нь өснө гэсэн үг юм.

USDA, 4-р улиралд өндөгний бөөний үнэ дунджаар, 10 өндөг 340 цент байна гэж таамаглаж байна. 2025 оны хувьд, дундаж үнийг 250 ба 200 цент" болно гэж тооцжээ.

Арванхоёрдугаар сарын 2-ны байдлаар, 49 мужид 111,412,626 тахиа шувууны томуугаар өвчилсөн тухай Өвчнийг хянах, урьдчилан сэргийлэх төвөөс мэдээлсэн бөгөөд энэ нь, өндөгийг илүү үнэтэй болгож байна, ифляцитай холбоотой биш гэж мэргэжилтнүүд үзэж байна.

Гэхдээ, зөвхөн шувууд энэ вируст өртөөгүй, "Food & Wine" компани өмнө нь мэдээлснээр, Калифорнид зарагдаж байсан түүхий сүүнд шувууны ханиад илэрсэн тул түүнийг эргүүлэн татахад хүргэсэн. Мөн энэ вирус Калифорнид нэгэн хүүхдэд илэрсэн нь, АНУ-ын түүхэн дэх анхны тохиолдол болоод байна.