Эрдэмтэд хямд үнэтэй өвдөлт намдаах эм аспирин нь хорт хавдрын эсүүдийг тархахаас сэргийлдэг болохыг олж мэдсэн бөгөөд амьтанд хийсэн туршилтаар уг эм нь, дархлааны тогтолцооны өвчинтэй тэмцэх чадварыг сайжруулдаг болох нь харагдсан талаар ВВС мэдээллээ.
Кембрижийн их сургуулийн баг, үүнийгээ хорт хавдрыг эмчлэхэд аспирин хэрэглэж болзошгүй сэтгэл хөдөлгөм, гэнэтийн нээлт гэж нэрлэжээ. Гэсэн ч, энэ арга батлагдахад хугацаа хэрэгтэй байгаа бөгөөд хүмүүсийг бие даан энэ эмийг уухыг зөвлөхөд эрт байна гэжээ.
Nature сэтгүүлд нийтлэгдсэн энэ нээлт нь, бараг санамсаргүй байдлаар хийгдсэн бөгөөд эрдэмтэд анхандаа аспирин судлаагүй, харин генийн өөрчлөлттэй хулгана дээр дархлааны систем хорт хавдрын эсийн тархалтад хэрхэн хариу үйлдэл үзүүлдэгийг судалж байхдаа, тодорхой генетикийн зааваргүй хулгануудад үсэрхийлэл үүсэх магадлал бага байгааг тогтоожээ. Судалгааг удирдсан Доктор Жи Ян, "Энэ бол "эврика" мөч байсан. Бид ийм үр дүнг хүлээж байгаагүй бөгөөд энэ нь биднийг судалгааны цоо шинэ зам руу орууллаа. Аспириныг хяналтгүйгээр хэрэглэх нь эрсдэлтэй, харин ямар өвчтөнд үүнийг хэрэглэх нь хамгийн их ашиг тустай болохыг тодорхойлох клиник туршилтууд үргэлжилж байна.” гэсэн байна.
Хавдар нь бүх биед тархахыг оролдох үе ирдэг. Зарим эсүүд анхны хавдраас салж, үр шиг биеэр тархаж, шинэ газарт үндэслэхийг хичээдэг. Энэ үйл явцыг метастаз гэж нэрлэдэг бөгөөд ихэнх хорт хавдрын нас баралтын шалтгаан болдог. Эсүүдэд тогтох хүртлээ тэдгээр нь эмзэг байдаг бөгөөд бидний дархлааны тогтолцооны нэг хэсэг болох цусны цагаан эсүүд, Т эсүүд нь тархаж буй хорт хавдрын эсүүдийг тогтохоос нь өмнө довтолж, устгах чадвартай байдаг.Гэвч судалгаагаар, цусны өөр нэг бүрэлдэхүүн хэсэг цусны бүлэгнэлтийг хариуцдаг тромбоцитууд нь Т эсийн үйл ажиллагааг дарангуйлж, хорт хавдартай тэмцэхэд нь саад болдог болохыг тогтоосон бөгөөд харин аспирин нь тромбоцитуудыг Т эсэд нөлөөлөхөөс сэргийлж, хорт хавдрын эсийг устгах боломжийг олгодог нь харагджээ.
Кембрижийн их сургуулийн профессор Рахул Ройчаудхури, "Бид аспирин нь санаанд оромгүй байдлаар ажиллаж, дархлааны тогтолцооны хүчийг нээж, үсэрхийлсэн хорт хавдрын эсийг таньж, устгах боломжийг олгодог болохыг харсан. Энэ эм нь хорт хавдрыг эрт илрүүлэхэд хамгийн тохиромжтой бөгөөд мэс засал гэх мэт эмчилгээний дараа дархлааны системд аль хэдийн тархсан байж болзошгүй хорт хавдрын эсүүдийг илрүүлэхэд туслах боломжтой” гэж ярьжээ.
Хорт хавдартай гэж оношлогдсон хүмүүс аспирин ууж эхлэх нь эргэлзээтэй бөгөөд эрсдэлтэй. Аспирин нь цус харвалт зэрэг аюултай дотоод цус алдалт үүсгэдэг тул түүний эрсдлийг сайтар үнэлэх хэрэгтэй. Түүнээс гадна энэ нөлөө нь, бүх төрлийн хорт хавдар эсвэл, зөвхөн зарим төрлийн хорт хавдарт нөлөөлдөг эсэх нь одоогоор тодорхойгүй байна. Үүнээс гадна энэ судалгааг амьтад дээр хийсэн. Эрдэмтэд үүнийг хүмүүсийн хувьд ч үнэн гэж үзэж байгаа ч, энэ нь хараахан батлагдаагүй байгаа бөгөөд хорт хавдраар өвчлөх эрсдэлийг нэмэгдүүлдэг Линч синдромтой зарим өвчтөнд аспирин хэрэглэхийг зөвлөж байгаа ч, энэ эм нь өргөн хүрээний өвчтөнүүдэд ашиг тусаа өгөх эсэхийг нотлохын тулд бүрэн эмнэлзүйн туршилт хийх шаардлагатай байгаа юм. Энэ судалгаануудаль хэдийнээс хийгдэж байгаа бөгөөд Лондонгийн Их Сургуулийн коллежийн Анагаах ухааны судалгаанызөвлөлийн эмнэлзүйн туршилтын албаны профессор Рут Лангли, Add-Aspirin төслийг удирдаж байна. Тэрээр, “Энэхүү судалгааны зорилго нь, аспирин нь хорт хавдраас эрт үед нь урьдчилан сэргийлж чадах эсэхийг олжмэдэх явдал бөгөөд энэ туршилтыг "чухал нээлт" гэж нэрлэсэн, учир нь хүнд, хавдарын онош тавигдсаны дараааспириныг хэн хэрэглэж болохыг тодорхойлоход тусална. Гэвч, эмийг бие даан хэрэглэхгүй байхыг дахин анхааруулж байна. Ямар ч эмийг ууж эхлэхээсээ өмнө эмчтэй зөвлөлдөхийг зөвлөж байна." гэсэн байна.