Цагаачлалын албаныхан, олон зуун хууль бус цагаачийг саатуулсаар байна. Нью-Йорк зэрэг орогнол хотуудад мөн энэ арга хэмжээ явагдаж эхэлжээ. Тиймээс цагаачдыг, хэн болохоо нотлох баримт бичгүүдээ биедээ авч явахыг Documented зөвлөсөн байна.

Одоогийн цагаачлалын статус

АНУ-д цагаачлалын статусаа нотлох баримт бичгийг үргэлж авч явах. Үүнд:

• I-551 - ногоон карт гэж нэрлэгддэг хууль ёсны байнгын оршин суугчийг нотлох баримт;
• I-94 - хууль ёсны дагуу нэвтрэх, тамга дарсан паспорт эсвэл виз/орох тамга бүхий бусад аялалын баримт бичиг;
• Хөдөлмөр эрхлэх зөвшөөрөл гэж нэрлэгддэг ажил эрхлэх зөвшөөрлийн карт;
• I-797 - Таны цагаачлалын статусыг батлах тухай мэдэгдэл;
• Хэрэв танай муж таныг жолооны үнэмлэх авахын тулд одоогийн цагаачлалын статустай байхыг шаарддаг бол төрөөс олгосон жолооны үнэмлэх.

Цагаачлалын статус хүлээгдэж байгаа

Хүлээгдэж буй статус гэдэг нь, та цагаачлалын дэмжлэг эсвэл хамгаалалт авах хүсэлт гаргасан боловч таны хэргийн шийдвэр хараахан гараагүй байна гэсэн үг.

1. Хүлээгдэж буй статусын өргөдөл нь, таныг саатуулах, албаван гаргахаас хамгаалахгүй байж магадгүй юм.
2. USCIS баримтынхаа хуулбарыг (I-797) үргэлж авч яваарай.

Албадан гаргах явцад

Хэрэв танд ажиллах зөвшөөрөл байхгүй бол дараахь баримт бичгүүдээс дор хаяж нэгийг биедээ авч явах.

1. Сонсголын мэдэгдлийн хуулбар;
2. Таны гаргасан аливаа нэхэмжлэлийн баримт;
3. Боломжтой бол parole-ийн мэдэгдэл.

Хэрэв бичиг баримтгүй бол

Хуурамч бичиг баримт, хэн нэгний бичиг баримтыг биедээ авч явахгүй байх. Төрөлх улсынхаа иргэний үнэмлэх,паспортын хуулбарыг биедээ авч явж болохгүй – эдгээр нь, цагаачлалын шүүх дээр таны эсрэг ашиглагдах болно.

Хэрэв та ямар ч бичиг баримтгүй эсвэл таны статус хүлээгдэж байгаа бөгөөд та албадан гаргах ажиллагаанд өртөөгүй эсвэл АНУ-д хоёр ба түүнээс дээш жил амьдарсан бол, шууд баривчлагдах, албадан гаргалтад өртөхөөсөөрийгөө хамгаалах үүднээс, АНУ-д хоёр жилээс дээш хугацаагаар оршин сууж буйгаа баримтжуулсан нотлохбаримтыг авч яваарай. Эдгээр баримт бичиг нь таныг цагдан хорих, албадан гаргахаас бүрэн хамгаалж чадахгүйч, түргэвчилсэн албадан гаргалтаас хамгаалж магадгүй юм.

Та дараах бичиг баримтыг биедээ авч явах боломжтой.

1. Хэрэв та хүчинтэй ITIN эсвэл Нийгмийн даатгалын дугаар ашигладаг бол сүүлийн гурван жилийн татварын тайлангаа илгээснээ нотлох баримт;
2. Түрээсийн болон лизингийн бичиг баримт;
3. Орон сууц, нийтийн үйлчилгээний төлбөрийн баримтууд;
4. Сурдаг сургуулийн бүртгэл эсвэл хүүхдийн тань бүртгэл;
5. Таныг АНУ-д хоёр жилээс дээш хугацаагаар байсныг нотлох аливаа бичиг баримт.