Delta Air Lines, сөнөөгч онгоц шиг харагддаг шинэ зорчигч тээврийн онгоцоор агаарын зорчигч тээврийн аялалд хувьсгал хийх төлөвлөгөөгөө танилцууллаа. Уг онгоц нь түлшний хэмнэлттэй тул агаар мандлыг бага бохирдуулдаг, мөн ирээдүйн энэхүү онгоцоо 2027 онд тэнгэрт хөөргөнө гэж төлөвлөж буй талаар New York Post мэдээлэв.

Тус компани Калифорнид төвтэй JetZero стартап компанитай хамтран шинэлэг, байгальд ээлтэй нисэх онгоц бүтээхээр ажиллаж байна. Энэ төсөл нь 2050 он гэхэд нүүрстөрөгчийн хийг саармагжуулахад хүргэх санаачилгынх нь нэг хэсэг гэж Delta Air Lines гуравдугаар сарын 5-нд мэдэгдэв.

Уламжлалт загвараас тэс өөр, хөнгөн жинтэй, хөдөлгүүрүүд нь онгоцны дээр суурилуулагдсан, илүү чимээгүй уг онгоц нь 250+ зорчигч тээвэрлэх зориулалттай.

Delta компанийн тогтвортой байдлын ахлах ажилтан Амелиа ДеЛука, "Бид, JetZero-тэй хамтран цоо шинэ төрлийн нисэх онгоц бүтээснээр, агаарын тээврийн салбарт түлшний хэмнэлт гаргах, инновацийн зорилгодоо хүрэх зоримог алхам хийнэ. Мөн нүүрстөрөгчийг бууруулах асуудлын нэлээд хэсгийг шийдвэрлэх боломжтой дэвшилтэт технологийг хөгжүүлэхийн тулд төрөл бүрийн түншүүдтэй хамтран ажиллах нь чухал байна." гэж ярьжээ.

Энэхүү стартап нь, 2023 онд АНУ-ын Агаарын цэргийн хүчнээс бүрэн хэмжээний буцалтгүй тусламж авснаар хамтран ажиллах боломжтой болсон. Тус нисэх онгоц 2027 он гэхэд анхны нислэгээ хийх төлөвтэй байна гэж тус компаниас мэдэгдсэн байна.

Харин, JetZero компанийг үүсгэн байгуулагч, гүйцэтгэх захирал Том О'Лири, агаарын тээврийн компаниудын эрчим хүчний зардал болон үүнтэй холбоотой хорт утааг бууруулах анхны төрлийн онгоцоо "дэлхийг өөрчлөх" зорилгод хүргэнэ. Ойрын ирээдүйд энэ үр дүнд хүрснээр, 2050 он гэхэд утааны бохирдолоос салах салбарын хүсэл эрмэлзэлд чухал нөлөө үзүүлнэ. Дельта бол 2023 оноос бидэнтэй хамтран ажиллаж буй анхны агаарын тээврийн компаниудын нэг юм” гэж танилцуулжээ.