АНУ-ын Дотоод орлогын алба (IRS), хууль бус цагаачдыг илрүүлэхэд АНУ-ын Цагаачлал, Гаалийн алба (ICE),Дотоодын аюулгүй байдлын яаманд (DHS туслахын тулд мэдээллээ ашиглах тохиролцоонд хүрч байна гэж CNN мэдээллээ.

Гэрээгээр ICE нь, тус улсад хууль бусаар оршин сууж байгаа хүмүүсийн нэр, хаягийг IRS-д өгснөөр, татварын алба энэ мэдээллийг шалгаж, баталгаажуулна.

Нууцлалын хамгаалалт

Татварын мэдээллийг IRS ерөнхийд нь хадгалдаг бөгөөд татвар төлөгчийн мэдээллийг зүй бусаар задруулахыг хуулиар хориглодог. Түүнчилэн, IRS нь бичиг баримтгүй цагаачдыг татварын тайлан гаргахыг дэмждэгээр тус хэлтэст хаяг, ажил олгогч, орлогын мэдээлэл нь ордог байна.

DHS өмнө нь, IRS-д хууль бус цагаачдын тухай мэдээлэл, тэр дундаа татвар төлөгчийн дугаарын дагуу холбооны татвар төлж байсан хэдэн зуун мянган иргэний гэрийн хаягийг авах хүсэлт бүхий санамж бичгийн төслийг өгсөн бөгөөд энэ нь, IRS-ийн үйл ажиллагааны нууц задруулахгүй байх хуулийг зөрчинө гэж нууцлалын мэргэжилтнүүд үзэж байна. Энэ хэлтсийг татварын мэдээлэл задруулахыг хуулиар хориглодог.

Одоогийн хувилбараар IRS нь, ICE-д мэдээлэл өгөхийн оронд цагаачдын хаягийг баталгаажуулах гэж байгаа аж.

Гэсэн ч энэ нь, албаны үйл ажиллагаанд мэдэгдэхүйц өөрчлөлт гаргах бөгөөд хүсэлтийг DHS-ийн нарийн бичгийн дарга Кристи Ноем эсвэл ICE захирлын үүрэг гүйцэтгэгч Тодд Лайонс нар гаргах ёстой. Хүсэлтэд татвар төлөгчийн нэр, хаяг, мөн албадан гаргах онгоо бүхий тогтоол байх ёстой бөгөөд энэ нь IRS-д мэдээллийг шалгах боломжийг олгоно.

Энэ сарын эхээр Чикаго дахь цагаачдын эрхийг хамгаалах хоёр бүлэг, Сангийн яам болон IRS-ийг татвар төлөгчийн хувийн мэдээллийг ICE эсвэл DHS-тэй хуваалцахыг хориглохыг хүсч шүүхэд өгөөд байна. Холбооны хууль нь, IRS-д энэ мэдээллийг цагаачлалын албанд өгөхийг "хориглодог" гэж бүлгүүд зарга үүсгээд байгаа юм.