Хамгийн олон тэрбумтан төрүүлсэн боловсролын байгууллагуудын жагсаалтыг Fortune гаргасныг Yahoo! нийтлэв.

Коллежид суралцаж төгсгөх нь амжилтанд хүрэх баталгаатай зам гэж аль эртнээс үзэж ирсэн бөгөөд өнөөдөр сургалтын зардал нэмэгдэж, оффисын ажилчдын орон тоо цөөрч байгаа хэдий ч, залуу мэргэжилтнүүд, оюутны зээлийн өрөнд орохгүйгээр зургаан оронтой тоотой орлоготой болох ажил, цаг хугацааны явцад сургалтын өндөр зардлаа нөхдөг төрөл бүрийн хувилбаруудыг эрж хайж байгаа үе юм.

Class Central-аас гаргасан шинэ тайланд, Харвардын их сургууль 144 тэрбумтан төрүүлсэн хамгийн олон тэрбумтантай гэж дурджээ. Харвардын их сургуулийн тэрбумтан төгсөгчдийн дундаж хөрөнгө 9.65 тэрбум ам.доллар бөгөөд тус сургуулийн хамгийн баян төгсөгч Марк Зукерберг 236 тэрбум доллараар жагсаалтыг тэргүүлж байна. Метагийн гүйцэтгэх захирал Фэйсбүүкийг өнөөгийн нийгмийн сүлжээний эзэнт гүрэн болгоход анхаарлаа төвлөрүүлэхийн тулд хоёр дахь жилдээ коллежоо орхисон нь үнэн. Гэсэн хэдий ч, Зукерберг Харвардад танилцсан дөрвөн үүсгэн байгуулагчгүйгээр үүнийг хийх боломжгүй байсан гэжээ.

Харвард, Америкийн хамгийн үнэтэй их сургуулиудын нэг бөгөөд санхүүгийн аливаа тусламжгүйгээр суралцахадоюутнууд жилд 82,000 доллар зарцуулж, дөрвөн жилийн сургалтын зардал нь 328,000 доллар давдаг.

Гэсэн ч, Харвард төгссөн тэрбумтан болоогүй хүмүүс ч, хөрөнгө оруулалтаасаа ашиг хүртдэг нь, энэхүү дэлхийд алдартай коллежийг төгссөний дараа дундаж цалин нь 95,114 ам.доллар байдгаас харагддаг. Үүнийг АНУ-д арван жилийн ажлын туршлагатай ажилтны дундаж цалин ойролцоогоор 56,000 доллар байдагтай харьцуулахад өндөр тоо юм.

Гэхдээ тэрбумтнууд зөвхөн ийм тансаг сургуулиудаас төрдөггүй. Калифорнийн их сургууль зэрэг улсын сургуулиуд ч шилдэг 10-т багтдаг. Мужийн өөр нэг элит коллеж бол Өмнөд Калифорнийн их сургууль юм. Тэнд л Жорж Лукас кино бүтээх авьяасаа нээсэн юм.

Эдгээр их, дээд сургуулиуд арван оронтой тоогоор хэмжигдэх баялгийн баталгааг өгдөггүй ч, дэлхийн өнцөг булан бүрээс хамгийн тод оюун ухаантнууд, том халаастангуудыг цуглуулсан байдаг. Мэдлэгтэй зөвлөгч, эх сурвалж, дотоод мэдээлэл, онцгой холболттой байх нь санхүүгийн гайхалтай амжилтанд хүрэх магадлалыг нэмэгдүүлдэг.

Жишээ нь: Сергей Брин, Ларри Пэйж нар Стэнфордын их сургуульд танилцаж, 2 их наяд долларын зах зээлийн үнэлгээтэй Google-ийг үүсгэн байгуулжээ. Питер Тиел, Элон Маск, Макс Левчин нар Пенсильванийн их сургуульд уулзаж, зах зээлийн үнэлгээ нь 89 тэрбум ам.долларт хүрсэн PayPal-ийг үүсгэсэн байдаг.

Хамгийн олон тэрбумтан төрүүлсэн АНУ-ын шилдэг 10 коллеж

Харвардын их сургууль: 144 тэрбумтан

Тэрбумтан төгсөгчдийн дундаж хөрөнгө: 9.65 тэрбум доллар

Олны танил төгсөгчид: Мета компанийн гүйцэтгэх захирал Марк Зукерберг, биткойны хөрөнгө оруулагчид болох Камерон, Тайлер Винклвосс, Голдман Сакс компанийн гүйцэтгэх захирал асан Ллойд Бланкфейн

Стэнфордын их сургууль: 94 тэрбумтан

Тэрбумтан төгсөгчдийн дундаж хөрөнгө: 11.76 тэрбум доллар

Олны танил хүмүүс: Google-ийн үүсгэн байгуулагч Ларри Пэйж, Robinhood-ийн гүйцэтгэх захирал Влад Тенев, Yahoo-ийн үүсгэн байгуулагч Жерри Ян

Пенсильванийн их сургууль: 56 тэрбумтан

Тэрбумтан төгсөгчдийн дундаж хөрөнгө: 12.36 тэрбум доллар

Олны танил хүмүүс: Теслагийн гүйцэтгэх захирал Илон Маск, венчур капиталист Гэри Лаудер, филантропист, бизнес эрхлэгч Лорен Пауэлл Жобс, АНУ-ын Ерөнхийлөгч Дональд Трамп

Калифорнийн их сургууль: 51 тэрбумтан

Тэрбумтан төгсөгчдийн дундаж хөрөнгө: 8.06 тэрбум доллар

Алдартай хүмүүс: Софтбанкны гүйцэтгэх захирал Масаёши Сон, Intel-ийн үүсгэн байгуулагч Гордон Мур, DoorDash-ийн гүйцэтгэх захирал Тони Хуу

Колумбын их сургууль: 41 тэрбумтан

Тэрбумтан төгсөгчдийн дундаж хөрөнгө: 11.35 тэрбум доллар

Олны танил хүмүүс: хедж сангийн магнат Уоррен Баффет, Нью Английн Патриотс багийн гүйцэтгэх захирал Роберт Крафт, Altair компанийн гүйцэтгэх захирал Жим Скапа

Массачусетсийн Технологийн Институт (MIT): 38 тэрбумтан

Тэрбумтан төгсөгчдийн дундаж хөрөнгө: 7.29 тэрбум доллар

Олны танил хүмүүс: Koch Industries компанийн гүйцэтгэх захирал Чарльз Кох, Dropbox-ын үүсгэн байгуулагч, гүйцэтгэх захирал Дрю Хьюстон, FTX үүсгэн байгуулагч Сэм Банкман-Фрид

Йелийн их сургууль: 25 тэрбумтан

Тэрбумтан төгсөгчдийн дундаж хөрөнгө: 8.11 тэрбум доллар

Нэр хүндтэй хүмүүс: Блэкстоун гүйцэтгэх захирал Стивен Шварцман, Бруклин Нетс багийн эзэн Жо Цай, газрын тосны өв залгамжлагчид Ли, Эдвард, Роберт, Сид Басс

Корнеллийн их сургууль: 24 тэрбумтан

Тэрбумтан төгсөгчдийн дундаж хөрөнгө: 4.64 тэрбум доллар

Алдартай хүмүүс: Програм хангамжийн бизнес эрхлэгч Дэвид Даффилд, Citigroup-ийн гүйцэтгэх захирал асан Сэнди Вейл, татваргүй худалдааны магнат Чак Фини

Өмнөд Калифорнийн их сургууль: 23 тэрбумтан

Тэрбумтан төгсөгчдийн дундаж хөрөнгө: 6.46 тэрбум доллар

• Олны танил хүмүүс: Эрчим хүчний компанийн гүйцэтгэх захирал Сарат Ратанавади, Salesforce-ийн гүйцэтгэх захирал Марк Бениоф, Оддын дайныг бүтээгч Жорж Лукас

Нью-Йоркийн их сургууль: 22 тэрбумтан

Тэрбумтан төгсөгчдийн дундаж хөрөнгө: 7.12 тэрбум доллар

Алдартнууд: Interactive Brokers ТУЗ-ийн дарга Томас Петерффи, бизнес эрхлэгч Леонард Стерн, Millennial Management-ийг үндэслэгч Израйл Англидер