TikTok дээр тархсан нэгэн видео, ногоон карт эзэмшигчидийг нисэх онгоцны буудал дээр юу хийж болохгүйг харуулсан нэг төрлийн анхааруулга болжээ. Лос-Анжелесийн нисэх онгоцны буудал дээр, зээ охиных нь ногоон картыг хурааж авсан гэж гомдол гаргасан нэгэн эмэгтэйн асуудалд хариу болгож Fox 11-ийн өмгөөлөгчид, ногоон карт эзэмшигчдэд эрхээ мэдэхэд нь туслах зөвлөгөө өгсөн байна.

2.5 сая гаруй үзэлттэй уг бичлэгтээ эмэгтэй, сувилахуйн чиглэлээр суралцдаг, ногоон карт эзэмшигч зээ охиныг нь, Лаосаас Лос-Анжелес руу буцаж ирэх үед албадан гаргасан. "Гаалийн ажилтнууд түүнийг зогсоож, ногоон картыг нь авч, буланг нь хайчилж, өөр гурван хүний ​​хамт өрөөнд оруулаад, хэрэв хүн ногоон карт авснаасаа хойш хоёр жилээс бага хугацаан дотор АНУ-аас гарсан бол тэднийг буцааж оруулахгүй. Ногоон картыг хурааж авдаг гэж хэлсэн байна" гэж эмэгтэй ярьжээ

Ногоон карт эзэмшигчид гадаадад зорчих боломжтой юу?

Цагаачлалын албаны өмгөөлөгч Хосе Осорио, ногоон карт эзэмшигчид гадаадад 180 хүртэл хоног ямар ч асуудалгүйгээр зорчих боломжтой. Гэхдээ зарим тохиолдолд аялагчдыг АНУ-д буцаж ирэх үед, I-407 маягт зэрэг баримт бичигт гарын үсэг зурахыг шаарддаг асуудлууд гардаг тул анхааралтай байхыг сануулав.

I-407 маягт гэж юу вэ?

Дотоодын аюулгүй байдлын яамнаас гаргадаг I-407 маягтыг, "Хуульд заасан байнгын оршин суугчийн статусаас татгалзсан тухай тэмдэглэл" гэж нэрлэдэг.

I-407 маягтыг бөглөх нь, та АНУ-д байнга оршин суух статусаас сайн дураараа татгалзсан гэсэн үг юм.

Осорио, "Хүн ганцаараа, өмгөөлөгчгүй байх, буруу ойлгох, хууль эрх зүйн мэдлэг дутмагаас болж, эрхээ хасуулж байгаагаа мэдэлгүй баримт бичигт гарын үсэг зурдаг тохиолдлууд гардаг” гэж бичжээ.

Олон нийтийн сүлжээ хэрэглэгчид, “Та цагаачлалын албаны шүүгчтэй уулзах хүсэлт гаргах эрхтэй." "Маш олон хүмүүс бичиг баримтыг уншихгүйгээр гарын үсэг зурдаг. Тиймээс ямар нэгэн зүйлд гарын үсэг зурахгүй байхад анхаараарай." гэх мэтээр энэ маягт дээр гарын үсэг зурахгүй байхыг анхааруулж байна.

Ногоон карт эзэмшигч ямар эрхтэй вэ?

Өмгөөлөгч Осорио, хил дээр хил, гаалийн ажилтнууд дараах гурван төрлийн асуулт асуух эрхтэй гэдгийг сануулав.

• Биеийн байцаалтыг тодорхойлох асуултууд
• Байнгын оршин суугчийн статусыг баталгаажуулах асуулт
• Авч яваа хоол, хүнсний бүтээгдэхүүний талаар эсвэл 10,000 доллараас хэтэрсэн мөнгө биедээ авч яваа эсэх гэх мэт гаальтай холбоотой ердийн асуултууд

Мөн Осорио, “Гол нь эрхээ мэдэх хэрэгтэй. - Тэдний шаардсан зүйлд гарын үсэг зурж болохгүй. Баримт бичигт юу бичсэнийг ойлгохгүй байгаа бол, гарын үсэг огт зурж болохгүй. Зөвхөн цагаачлалын албаны шүүгч тухайн хүний ​​байнгын оршин суугчийн статусыг хүчингүй болгох эрхтэй. Гэтэл, нисэх онгоцны буудал дээр сайн дураараа эрхээсээ татгалзсан гарын үсэг зурсан тохиолдолд, энэ шийдвэрийг цуцлахын тулд юу ч хийх боломжгүй болдог” гэж анхааруулжээ.