Мөнгө бол сонирхолтой нь, ихээхэн хориотой гэмээр сэдэв юм. Хэрэв та мөнгөний тухай их ярих юм бол хүмүүс таныг хачин хүн, шуналтан гэж боддог бөгөөд дуулиант энэ ертөнцөд, та мөнгө олохын тулд шаргуу ажиллах эсвэл түүнийхээ талаар дуугүй байх хэрэгтэй болдог. Харин Австралийн блогчин Тим Даннинг, мөнгөний тухай огт өөр бодолтой. Эдгээрийн зарим нь таныг бухимдуулж болох ч, эцсийн дүндээ маш хүчтэй үр дүнтэй мөнгөний тухай 12 бодлоо хуваалцсаныг Highload орчуулан нийтэлжээ.

Цөөхөн хүн л, өндөр цалингаар баяждаг

"Дипломоо аваад сайн ажил ол" гэсэн хандлага, бидний бодит байдлыг бий болгосон. Гэвч бодит байдал дээр, санхүүгийн хувьд хамгийн амжилттай хүмүүс бол хөрөнгө оруулагч эсвэл бизнес эрхлэгчид байдаг бөгөөд тэд бол цалингийн боолууд биш. Энэ нь хатуу ширүүн боловч үнэн юм. Мэдээжийн хэрэг, зарим удирдах албан тушаалтнууд баяждаг, гэхдээ ихэнх нь чаддаггүй. Мөн эдгээр ажилууд нь таныг гэр бүлээсээ хол байж, шаардлагагүй хуралд байнга оролцохыг шаарддаг, нэг талаас асар том “өвдөлт” гэмээр зүйл юм.

Залуучууд одоо үүнийг ойлгож байна. Тиймээс шинэ ажил олоход хэцүү байхаа больж, ажлын байрны үнэ цэнэ өөрчлөгдөж, шинэ төрлийн ажилууд улам бүр түгээмэл болж байна. Нэмэлт ажил, пассив орлого, хөрөнгө оруулалт, онлайн бизнесээс мөнгө ол. Тэгэхгүй бол насан туршдаа ажилласаар дуусна.

Баян эцэг эхийн хүүхдүүдэд байдаг, анзаарагддаггүй асар том сул тал

Уильям Вандербилт, тухайн үед ихээхэн амжилттай байсан итгэлцлийн сангийн хамгийн баян хүмүүсийн хүүхдүүдийн нэг бөгөөд тэрээр, 1920 онд нас барахынхаа өмнөхөн Нью-Йорк Таймс сонинд, түүний амьдрал хэзээ ч аз жаргалтай байгаагүй. Өв залгамжлах эд хөрөнгийг гар хөлгүй төрөхөөс ч илүү муу тал гэсэн ярилцлага өгч байжээ.

Кокаин нь ёс суртахууны хувьд үхэлд хүргэдэгтэй адил, өв залгамжилсан хөрөнгө нь хүсэл эрмэлзэлийн үхэл юм.

Сургуулийн нэг найз маань газрын тосны магнатын хүү байсан. Бид бүгд багадаа пицца хүргэгчээр ажилладаг байв. Тэр миний одоо амьдардаг байшингийн хэмжээтэй усан сантай байшиндаа, уушгиа хар болтол хогийн ургамал тамхи татаж суудаг. Тодоо 30 настай ч, Симпсон өвөө шиг харагддаг... Эцэг эх нь түүнд бүх зүйлийг өгсөн, тэр юу ч хийгээгүйн үр дагавар энэ. Тиймээс танд "үнэгүй" мөнгө хэрэггүй. Тэднийг олж авсан нь дээр, учир нь та өөрийгөө баян болгох цогц хичээлүүдийг амьдралаас авах болно.

Ядуурал бүх талаараа хэцүү

Зарим нь мөнгө муу гэж номлодог. Тэд танд онлайнаар мөнгө олох нь луйвар, нэмэлт орлого олох орлдлого “шатах”-д л хүргэнэ гэж хэлнэ. Тиймээс тэд юу ч хийхгүй байх шийдвэр гаргаж, өөртөө анхаарал халамж тавих дасгал хий. Та үүнийг хүртэх эрхтэй учраас Netflix-ийг үзээрэй. Ажил дээрээ байж, үнэ цэнээсээ бага цалин аваарай. Тэвчээртэй байгаарай. Даргатайгаа эвлэр. Төлбөрийг хожуу төлөх нь хэвийн үзэгдэл. Амьдрал хэцүү, эдийн засаг бидэнд ийм зүйл хийсэн гэцгээдэг. Хөгийн!

Харин энэ бүх тэнэглэлд итгэхийг хэзээ ч би зөвлөхгүй. Ядуу байх гэдэг үнэхээр хэцүү. Хийх хамгийн хялбар зүйл бол дунд зэргийн баян байх тал дээр анхаарлаа төвлөрүүлж, мөнгөө хийхийг хүсэхгүй байгаа зүйлээ аутсорсинг хийхэд ашиглах явдал юм. Мэдээж жилд нэг сая доллар олж чадахгүй, энэ нь зүгээр. Гэхдээ ядаж нэр төртэй амьдрахыг хичээ.

Аз жаргалыг мөнгөөр ​​худалдаж авч болдоггүй гэдэг үг, үнэндээ л хошигнол. Мөнгөний хомсдол нь таныг аз жаргалтай байхад саад болдог, учир нь та үхэхээсээ өмнө мэдрэхийг хүсч буй амьдралаа үзэж чадахгүй.

Ядуу хүмүүс “Энэ нь хэд вэ?” гэж байнга асуудаг.

Үнэ өөрөө юу ч биш. Хөрөнгө оруулалтын өгөөж (ROI) нь бараа, үйлчилгээний өртөгийг тодорхойлдог. Ном 300 долларын үнэтэй байж болно. Энэ нь Amazon дээрх 20 долларын үнэтэй номноос хамаагүй ялгаатай. Учир нь тэр ном танд 100,000 доллар өгөх ямар нэг зүйлийг зааж өгөх нь мэдээж. Үнэд төвлөрөхөө боль. ROI-д хэт автаж эхэл.

Мөнгөний хэмжээ таны үйлдлээс 100% хамаарна

Санхүүгийн байдалдаа бусдыг буруутгахаа боль.

Хэрэв та мөнгө алдвал энэ нь таны хүчийг сулруулахгүй. Харин, энэ нь таны хүчийг илүүтэй буцааж өгдөг. Та өөрийгөө мөнгөний асуудал дээр 100% хариуцлага үүрдэг гэдгээ ухаармагц, гэнэт хөндлөнгийн оролцоо алга болж, зөвхөн та ертөнцийг эсэргүүцэх чадалтай болно.

Орон сууц нь таныг баян болгодог хөрөнгө оруулалт байж болохгүй.

Бусдад түрээслүүлэхээр байр худалдаж аваад мөнгө нэхдэг хүмүүс хууль бус. Рок Рензи нэгэнтээ: "Орон байрны өмчлөл бол хүчирхэг нийгмийн тулгын чулуу юм." гэж хэлсэн байдаг. Тиймээс орон сууц худалдан авах боломжгүй болох үед нийгэм сүйрч эхэлдэг бөгөөд баян хоосны ялгаа ихэсдэг байна.

Баян харагдах хүсэл эрмэлзэл нь өөртөө гүн эргэлздэг хүмүүсийн зан

Холливудын өргөн чөлөөнд, Ламборжини машинаа зогсоож тэр нэгэн, "Би өөртөө итгэлгүй, анхаарлаар дутаж байна. Намайг анзаарахыг хүсч байна" гэж хэлж байна гэсэн үг.

Тиймээс, томоохон бизнес эрхлэгчид үүнийг нь ойлгож, хүний ​​итгэлгүй байдлыг эмчлэх эмчилгээний оронд тансаг зэрэглэлийн брэнд, эд зүйлсийг зохион бүтээжээ. Баян харагдах гэж оролдохоо боль.

Хүмүүс өөрсдийнхөө асуудалд маш их завгүй байдаг тул таны ямар Rolex цаг зүүж байгаа, ямар маркийн чемодантай талаар санаа зовдоггүй. Энэ бол тэнэглэл юм.

Таны ур чадвар хөрөнгө оруулалтаас илүү хурдан хуримтлагддаг

Олон хүмүүс индексийн санд хөрөнгө оруулах эсвэл хувьцаа худалдаж авах талаар ярьдаг. Эдгээр аргууд нь таны баялгийн хуримтлалыг таны хяналтгүй гуравдагч этгээдэд шилжүүлдэг. Тиймээс таны залхуурал танд дунд зэргийн өгөөж авчрах болно.

Үүний оронд ур чадвартаа хөрөнгө оруулалт хий. Зах зээлд юу хэрэгтэй байгааг судалж мэдэн, тэр мэдсэн зүйлийнхээ төлөө тэднээс хэтийдсэн их мөнгө нэхэж сур.Та бодож байснаасаа хурдан 100 мянган доллараас 1 сая доллар руу шилжих болно. Үүний зэрэгцээ, хөрөнгө оруулалтын хувьд, индексийн сангийн хөрөнгө оруулагчид хөрөнгө оруулалт нь орлого олохоос өмнө бууралтаж, ашигаа зарж эдлэхэд хэтэрхий хөгшин болчихдог.

Эцэс төгсгөлгүй мөнгөний хойноос хөөцөлдөх нь сэтгэцийн хямралд хүргэдэг шорон юм

Нэг талаараа би тэрбумтнуудад хайртай. Дэлхий дээр их зүйл боломжтой гэдгийг тэд бидэнд харуулж байна. Тэд Ангараг гараг руу пуужин илгээж, бидний ертөнцийг үзэх үзлийг өргөжүүлдэг. Гэхдээ нөгөө талаас тэрбумтнууд галзуу. Тэд нэг төрлийн хэзээ ч мөнгө нь хүрэлцдэггүй, хамгаалагчид. Тэд эгогоо хангахын тулд үргэлж илүү ихийг шаарддаг. Тэд мөнгөний тал дээр маш сайн ч, амьдралын бусад салбарт тааруухан байдаг. Хэт их мөнгө нь, сэтгэцийн эрүүл мэндийн хямрал болж хувирдаг. Хэт их мөнгө нь ертөнцийг хязгаарлаж, бодит байдлыг үгүйсгэдэг сэтгэцийн шоронг бий болгодог.

Бизнес эхлүүлэх нь үнэхээр хувиа хичээсэн зүйл юм

Эрт тардаг ажил, юу хийхийг чинь хэн ч, хэзээ ч заахгүй урсгалаар ажиллаж, илүү их мөнгө олох сайхан. Бизнес бол хувиа хичээсэн зүйл бөгөөд бид мөнгө олохын тулд эхлээд өөртөө анхаарал тавих ёстой. Дан Кое, "Зөрүүд гэмээр тууштай хувийн сэдэл нь материаллаг зүйлээс илүү хүчтэй байдаг” гэжээ.

3 долларын оронд 30 мянган долларын асуулт асуу

Энэ бол Рамит Сетигийн, миний санхүүгийн амьдралын бүхий л философи юм.

30 мянган долларын асуултууд:

• Энэ сард би ямар шинэ ур чадвар эзэмших вэ?
• Би даргаасаа 20%-ийн нэмэгдэл цалин яаж авах вэ?
• Би өндөр өгөөж авахын тулд хөрөнгө оруулалтаа хэрхэн тохируулах вэ?
• 5 жилийн дотор үр дүнгээ өгөх ямар жижиг бооцоо тавьж болох вэ?
• Би ашгаа нэмэгдүүлэхийн тулд ямар шинэ бизнес эхлүүлж болох вэ?
• Бага хүү төлөхийн тулд өрийн хэмжээг яаж бууруулах вэ?

Бид бүгд санхүүгийн тэнэг байдлаас эхэлдэг

Бид бүгд санхүүгийн хувьд тэнэг гэж хэн ч сонсохыг хүсэхгүй. Гэхдээ би бяцхан түүх хуваалцъя. 2008 онд нэгэн коллежийн профессор, Berkshire Hathaway-ийн жил тутмын чуулганд очиж тэрбумтан Чарли Мунгер, Уоррен Баффет нараас асуулт асуужээ. Аймшигтай сандарч, алга нь хөлөрч, царай нь улайсан тэрээр, 5-р ангийн хүүхэд танихгүй хүнээс сүүний мөнгө гуйж байгаа мэт чичирсэн хоолойгоор "Хөрөнгө оруулалт хийдэггүй 30 настай хүн яаж хөрөнгө оруулалт хийдэг вэ?" гэж асуухад, Уоррен, Чарли хоёр, залуу багшид тустай гэж үзэн индексийн сангийн талаар ерөнхий зөвлөгөө өгчээ. Энэ залуу бол, одоо санхүү, бизнесийн хувьд домогт тооцогддог Тимоти Феррис байв.. Гэхдээ тэр үед тэр санхүүгийн тэнэг байсан юм.

Санхүүгийн боловсролоо аль болох хурдан эхлүүлж, түүнд өдөр бүр хөрөнгө оруулалт хийж хэвшээрэй.