Урьдчилан таамаглах аргагүй Иан хар салхи Карибын тэнгист ширүүсч, 9-р сарын 27-ноос эхлэн хүчтэй, аюултай шуурганы давалгаа бүхий томоохон хар салхи болж болзошгүй тул Флорида мужид яаралтай бэлтгэл ажлыг эхлүүлсэн гэж CNN мэдээлэв.

Иан улам хүчтэй болж 120 км/цаг хүртэл тогтмол хүчтэй шуурч, таамаглаж байснаас давсан хүчтэй байгаа бөгөөд түүний чиглэл, эрчим тодорхой бус хэвээр байна гэж Хар салхины үндэсний төвөөс мэдээлэв. Флоридагийн оршин суугчдыг баруун эрэг болон Флоридагийн дагуу аюултай шуурга, хүчтэй салхи, аадар бороо орох эрсдэлтэй тул бэлтгэлтэй байхыг уриалж байна гэж хар салхины төвөөс мөн мэдэгджээ.
"Өмнөх нөхцөл байдлын үр дагавар Флоридагийн төв хэсэгт долоо хоногийн дундаас сүүлч хүртэл их хэмжээний үерийн нөлөөлөл үүсч болзошгүйг мөн “Florida Keys” болон Флоридагийн хойгт долоо хоногийн дунд үе хүртэл борооны улмаас үер буух боломжтой" гэж хар салхины төвөөс мөн мэдэгдээд байна.

Флорида мужийн захирагч Рон ДеСантис, муж бүхэлдээ Ианы нөлөөнд бэлэн байх ёстой. "Одооноос бэлэн байж, хоол хүнс, ус, зай, эм, түлш гэх мэт зүйлсийг нөөцлөх хэрэгтэй. Цахилгаан тасрах, ялангуяа Иан хуурай газарт гарах үед нүүлгэн шилжүүлэлтэд бэлэн байх, түлшний хомсдол үүсэхийг анхааруулав.

9-р сарын 26-ны өглөө Гранд Кайманаас баруун өмнө зүгт 140 км, Кубын баруун хязгаараас зүүн өмнө зүгт 500 км-ийн зайд болсон шуурга 9-р сарын 26-ны оройн цагаар эрчимтэй ширүүсч томоохон хар салхи болон хувирах төлөвтэй байна. Төвийн мэдээлэлд дурдсанчлан Куба руу ойртож байна.
Энэхүү шуурга нь өндөрлөг, уулын бүс нутагт, ялангуяа Ямайк, Кубад "асар их бороо орж, үер бууж, хөрсний гулгалт" үүсгэх төлөвтэй байна. "Хүмүүсийн амь нас, эд хөрөнгийг хамгаалах хүчин чармайлтыг үргэлжлүүлэх ёстой" гэж цаг уурчид нэмж анхааруулжээ.

Шуурганы зам Флорида руу чиглэж байна.

Кубыг дайран өнгөрсний дараа Иан, Мексикийн булангийн зүүн хэсгийг дайран өнгөрч, 9-р сарын 27-нд Флорида руу хүрнэ. Энэ долоо хоногт Флоридагийн Киес болон баруун эрэгт их хэмжээний бороо орж, хар салхины хүчтэй салхи шуурга шуурах төлөвтэй байна.

Флорида Киест 10-15 см, Флоридагийн баруун төв хэсэгт 15-25 см хур тунадас, үе үе 38 см, Флоридын хойгын бусад нутгаар 10-25 см бороо орох төлөвтэй байна. 9-р сарын 27-ны орой Флоридын баруун-төв эрэгт халуун орны шуурга дэгдэж, 9-р сарын 28-нд хар салхи шуурах магадлалтай.

"9-р сарын 26-ны орой болон 9-р сарын 27-нд Флорида-Киес болон Флоридагийн хойгийн өмнөд болон төв хэсэгт хэд хэдэн хар салхи үүсч болзошгүй" гэж хар салхины төвөөс мэдэгдэв.

Урьдчилан тооцоолох загварууд Флорида мужийн хаана, долоо хоногийн дундуур хэр хүчтэй болох талаар янз бүрийн хувилбаруудыг урьдчилан таамаглаж байна. 9-р сарын 26-ны өглөөний байдлаар шуурганы хүч Мексикийн зүүн булангийн дээгүүр 4-р зэрэглэлд хүрч, улмаар Флоридад хүрэхээс өмнө суларна гэж цаг уурчид таамаглаж байсан.

Долоо хоногийн дундуур Флорида Киес болон Флоридагийн хойгт үер бууж болзошгүй, мөн өмнө зүгт Seven Mile Bridge-с Кие Вэст хүртэл Флоридагийн доод хэсгээр халуун орны шуурганы сэрэмжлүүлэгийг гаргажээ.

Хотууд болзошгүй хар салхинд бэлдэж байгаа тул Хотын дарга нар Үндэсний Гвардийн үйл ажиллагааг идэвхжүүлж байна.

ДеСантис 9-р сарын 25-ны өглөө Үндэсний гвардийнханд, хар салхины зам тодорхойгүй байгаа ч түүний үр нөлөө нь муж даяар өргөн мэдрэгдэнэ. Таамаглалын нэг загвар нь Ианыг Тампа Бэй бүсээр шуурах болно гэж таамаглаж байгаа бол өөр нэг загвар нь Панхандл руу шуурга чиглэнэ гэж мэдэгдсэн байна.
Флоридагийн Онцгой байдлын хэлтсийн захирал Кевин Гутри 9-р сарын 25-нд "Флоридагийн хүн бүр шуурганы нөлөөг мэдрэх болно."

NOAA-ийн хар салхины судалгааны салбарын хөтөлбөрийн захирал Жейсон Данион, "Шуурга нэг өдрийн дотор цагт 56 км хүртэл хурдасна. Халуун орны шуурганаас 1-р ангилалд эсвэл 1-р ангиллаас 3-р ангилалд 24 цагийн дотор шилжиж болно. Энэ нь хүмүүс ойрын хоёр өдрийн турш энэ шуурганд анхаарлаа хандуулахаас өөр аргагүй болно. Шуурга ойртож байгаа тул Флоридагийн оршин суугчдыг радио хүлээн авагч, ус, лаазалсан хоол, эм гэх мэт зүйлсийг дор хаяж долоон хоногийн хэмжээтэй нөөцөлж, нүүлгэн шилжүүлэх замтай танилцахыг уриалжээ.

Тампа болон бусад бүс нутгийн оршин суугчид шуурганд бэлдэж, элсний шуудай авах дараалал үүсээд байна.

Мөн муж улсын хот, дүүргүүд бэлтгэлээ базааж байна.

Мужийн нийслэл Таллахасси хотын албаныхан хог хаягдлыг цэвэрлэж, хотын цахилгааны шугам, борооны усны системийг цэвэрлэхээр ажиллаж байна. Таллахасси хотын дарга Жон Дэйли, "Бид хар салхины өмнө дэд бүтцээ бэлтгэж, аюулгүй болгохын тулд чадах бүхнээ хийж байна. Хүчтэй шуурга шуурч, хар салхи далайн усыг эрэг рүү гаргахад ч хор хохирол багатай давахад бэлдэж байна” гэж мэдэгджээ.

"Бид 4-р зэрэглэлийн шуурганы давалгаа, 1 эсвэл 2-р зэрэглэлийн хуурай газрыг нөмрөх шуурганы эрсдэлийг хүлээж байна " гэж Гутри хэлэв. Флоридагийн баруун өмнөд хэсэгт орших олон сувгаараа алдартай Кейп Корал хотын эрх баригчид шуурга, хар салхинд онцгой санаа зовж, Кейп Корал хотын дарга Жон Гунтер "Яг одоо мэдээж бид бусад олон хотын нэгэн адил хамгийн муу зүйлд бэлдэж, хамгийн сайн сайхныг хүсэн хүлээж, найдаж байна" гэж хэлжээ.

Флорида мужийн зарим улсын сургуулиудын мэдээлснээр, кампусууд шуурганы хоргодох байр болж хувирсан тул тус мужид сургуулиуд хаагдсан байна. Bethune Cookman их сургуулийг 9-р сарын 24-нд албадан нүүлгэн шилжүүлэх тушаал гаргажээ. 9-р сарын 26-нд ойртож буй шуурганы улмаас хичээлээ цуцлаад байсан юм.

Мөн Жоржиа мужид бэлтгэл ажил хийгдэж байгаа бөгөөд мужийн захирагч Брайан Кемп, 9-р сарын 26-нд "Долоо хоногийн сүүлээр Иан хар салхины болзошгүй нөлөөллөөс урьдчилан сэргийлэхийн тулд" Улсын онцгой үйл ажиллагааны төвийг идэвхжүүлэхийг тушаажээ.

"Шуурганы хүчийг тооцоолох загварууд 9-р сарын 29-нд хуурай газарт гарахаасаа өмнө хүч нь суларна, гэхдээ чиглэл, зам нь тодорхой болоогүй байгаа учраас, Иан нь Жоржиа мужийн газар нутгийн томоохон хэсэгт ноцтой хохирол учруулж болзошгүй" гэж мужийн захирагчийн албанаас хэвлэлийн мэдээнд дурджээ.

Эх сурвалж: CNN