АНУ-ын худалдааны гол өдөр болох Хар Баасан гарагийн түүх, тоо баримт болон хэрхэн ийм алдартай болсон талаар BlackFriday мэдээлэв.

Сая сая хүмүүсийн хувьд, Хар Баасан гараг нь Христийн Мэндэлсний Баярын бэлгүүдээ бэлдэх томоохон худалдан авалт хийдэг үе бөгөөд Талархлын баярын дараах Баасан гарагт буюу 11-р сарын 23-наас 11-р сарын 29-ний хооронд тохиодог АНУ-ын жилийн хамгийн том худалдааны өдрүүдийн нэг юм. 2023 онд Хар Баасан гараг 11-р сарын 24-нд болно. Энэ өдөр, АНУ-д жижиглэн худалдаа эрхэлдэг хүмүүсээс бусад бүх хүмүүс амарна.

"Хар баасан гараг" гэсэн нэр томъёо АНУ-ын аль хотод үүссэн бэ?

"Хар баасан гараг" гэсэн нэр томъёо нь Филадельфид үүссэн. 1960-аад оны эхээр Филадельфийн цагдаа нар, гудамж талбайнууд Арми-Тэнгисийн цэргийн хөл бөмбөгийн тоглолтын үзэгчид болон Талархлын баярын дараах хямдрал хайж байгаа хүмүүсийн автомашинуудаар дүүрч түгжирэн, мөн явган зорчигчдын хөдөлгөөн ихсэж түгжрэл үүсгэдэгт бухимдсандаа, энэ өдрийг "Хар баасан гараг" гэж нэрлэжээ. Тэр үед, Филадельфийн томоохон дэлгүүрүүд уг нэршлийг сөрөг утгатайд тооцон, "Их Баасан гараг" гэж нэрлэхийг оролдсон ч амжилтанд хүрээгүй гэдэг.

Хар баасан гараг яагаад ийм алдартай болсон бэ?

Жижиглэнгийн худалдаачид үнээ бууруулснаар олныг татах боломжтой гэдгээ ойлгож эхэлснээр Хар Баасан гараг нь Христийн Мэндэлсний Баярын сүүлчийн хямдралаас ч илүү худалдааны өдөр болсон. Ихэнх хүмүүс, хамгийн их хямдардаг цахилгаан бараа, алдартай тоглоомуудыг худалдаж авдаг байна. Дэлгүүрийн гадаа оочерлож зогсохыг хүсдэггүй хүмүүсийн хувьд хар баасан гарагийн онлайн худалдаа ихэвчлэн, дэлгүүрүүд дэх худалдаатай нэгэн зэрэг эсвэл бүр эрт эхэлдэг. Ихэнх томоохон жижиглэнгийн худалдаачид сканнердсан хар баасан гарагийн сурталчилгаа, купон, хямдралыг онлайнаар урьдчилан байршуулж, хэрэглэгчдэд хямдралын талаар олж мэдэх, худалдан авалтаа төлөвлөх цаг гаргаж өгдөг бол зарим компаниуд хар баасан гарагийн зар сурталчилгаагаа эцсийн мөчид гарган шуугиан дэгдээх, хэрэглэгчдэдээ хямдралаа тэсэн ядан хүлээхэд хүргэх өөр арга барилуудыг ашигладаг байна.