Airbnb цахим платформоор дамжуулан түрээслүүлж байсан байшинд нь гал гарч, багш бүсгүй нэг настай охиныхоо хамт нас барсан хэрэгт, Нью-Йоркийн Вестчестер тойргийн гэр бүлийг хүн амины хэргээр буруутгаж буй талаар New York Post сонин мэдээлэв.

2024 оны 10-р сарын 14-ний өдөр Нью-Йоркийн Датчесс муж дахь байшингаа утаа мэдрэгчтэй гэж худал мэдүүлснийг мөрдөн байцаагчид олж тогтоосноор, 57 настай Деннис Дарси болон түүний эхнэр 55 настай Мередит нарт хэрэг үүсгэжээ. Багш эмэгтэйн нөхөр Жон 3 настай хүүхдийнхээ хамт галаас гарч чадсан байна. Датчесс дүүргийн прокурор Энтони Париси. "Энэ аймшигт эмгэнэлт явдлаас зайлсхийх боломжтой байсан.Утааны дохиолол ямар чухал үүрэгтэйг энэ эмгэнэлт явдал сануулсаар байна. Шүүгдэгчидийг эрсдэлийн талаар мэдэж байсан, санаатайгаар үл тоомсорлосон гэж буруутгаж байна " гэж ярьжээ.

Мөн тус байшинд богино хугацаанд түрээслэх тусгай зөвшөөрөл байхгүй байсан нь галын хэргийг шалгах явцад тогтоогджээ.

Хаббардын гэр бүлийнхэн, 2024 оны 10-р сарын 14-нд байшингийн дээврийн тагтан дээр байх үедээ утаа гарч байгааг анзаарч, хоёр бага насны хүүхдээ аврахын тулд дотогш орсон боловч гал дунд орж гарч чадахаа больсон байсныг Зүүн Клинтоны гал түймрийн алба, байшин шатаж байна гэсэн мэдээллээр ирж, шатаж буй байшин дотроос гэр бүлийг гаргаж авсан ч, Шэннон Хаббард болон түүний нэг настай охин орон нутгийн эмнэлэгт нас барсан гэж мэдэгджээ.

Датчесс дүүргийн шүүгч Майкл Хэйс, байшингийн эзэд Деннис, Мередит Дарси хоёрыг 50 мянган доллар бэлнээр эсвэл 200 мянган долларын барьцаатай батлан даалтаар гаргаж, дөрөвдүгээр сарын 7-нд болох шүүх хурлыг хүртэл суллахаар шийдвэрлэжээ.