Аз жаргалтай хүүхэд өсгөх гол түлхүүр нь түүнд аз жаргалгүй байхыг зөвшөөрөх явдал бөгөөд хачин мэт санагдаж болох ч, энэ арга нь маш үр дүнтэй гэж хүүхдийн сэтгэл зүйч, "Бага насны хүүхдүүд хэрхэн хөгждөг вэ" номын зохиогч Това Клейн зөвлөсөн талаар CNBC нийтэлжээ.

Колумбын их сургуулийн, Барнард коллежийн бага насны хүүхдийн хөгжлийн төвийн захирал Клейн, "Бид бүгдээрээ хүүхдүүдээ аз жаргалтай хүн болгон өсгөх арга бол тэднийг аз жаргалтай байлгах гэж боддог. Гэвч бодит байдал дээр хүүхдүүд хэрхэн аз жаргалтай байж, баяр баясгаланг олж авахаа өөрсдөө мэддэг" гэж бичжээ.

Эцэг эхчүүдэд, хүүхдүүдээ ууртай, гунигтай, аз жаргалгүй байхыг хүлээн зөвшөөрөх хэцүү байдаг. Хүүхэд бухимдах үед эцэг эх нь зөнгөөрөө түүнийг баярлуулах эсвэл анхаарлыг нь сарниулахыг хичээдэг. Энэ нь хэдийгээр, буруу биш ч, хүүхдийг бухимдуулж буй зүйлийн эх сурвалжийг тэр бүр шийдэж чаддаггүй. Энэ нь ялангуяа, муу сэтгэлийн эх сурвалж өчүүхэн мэт үед илэрхий харагддаг. Жишээлбэл, хүүхдийг телевизийн олон ангит киноны өөр анги үзэхийг хориглосон эсвэл тавган дээр нь "дургүй" жигнэмэг тавьсан үе гэх мэт.

Эдгээр тохиолдолд хүүхэд өөрийн сөрөг хариу үйлдэл нь тохиромжтой гэж үздэг бөгөөд тэрээр эдгээр мэдрэмжийг даван туулж, тэдгээрийг удирдаж сурах хэрэгтэй, үүнийг хэрхэн хийх вэ гэдгээ зөн совингоороо мэддэггүй.

Мэргэжилтнүүд сэтгэлээр унасан хүүхдээс гүнзгий амьсгаа авч, мэдрэмжээ үгээр илэрхийлэхийг хичээхийг зөвлөж байна. Эсвэл та, хүүхдийнхээ мэдрэмжийг хүлээн зөвшөөрч, "бид үүнийг хийгээсэй гэж хүсэж байна. Гэхдээ харамсалтай нь бид үүнийг одоо хийж чадахгүй" гэх мэт хэллэгүүдийг ашиглах. Мөн уурлах гэх мэт маш хүчтэй сэтгэл хөдлөлүүдтэй байгаа хүүхдэд хэсэг хугацаа өгснөөр, дараа нь тэр тайвширч, байдлаа бодож, "ээж, аав миний дэргэд байна, тэд надад уурлахгүй, намайг орхихгүй" гэж бодох, мэдэж авах, хүчтэй болох боломж олго.Хамгийн гол нь, ноцтой сэтгэл зүйн гэмтэл учируулахуйц тохиолдлоос бусад тохиолдолд хүүхдийн сөрөг сэтгэл хөдлөл зүгээр л болоод өнгөрнө гэдгийг ойлгох хэрэгтэй. Хүүхдийнхээ сэтгэл хөдлөл, байр байдлыг зүгээр гэж бодвол тэд аз жаргалтай байх болно" гэж Клейн зөвлөж байна.

Судалгаанаас харахад, сөрөг сэтгэл хөдлөлөө үр дүнтэй удирдаж сурсан хүүхдүүд, амжилттай хүн болоход шаардлагатай тэсвэр хатуужилтай болох магадлал нь өндөр байдаг байна.

Харин, сөрөг мэдрэмжээс айх, зайлсхийлгэх, сэргийлэх үйлдэл нь зан чанарын удаан хугацааны асуудал буюу хүүхдүүд эдгээр мэдрэмжээсээ ичих, өөртөө эргэлзэх, жишээлбэл: "Би ууртай байна, энэ нь би муу. Миний ямар нэг зүйл буруу байна." гэх мэт бодолд хүргэдэг. Эцэг эхчүүд бидний хувьд хамгийн хэцүү зүйл бол, хүүхдүүдээ аз жаргалтай байхад бид аз жаргалтай байдаг маань юм" гэж бичжээ.