Шүдээ угаах энгийн зуршил нь таны зүрхийг үхлийн аюултай өвчин, бүр зүрхний дутагдлаас хамгаалж чадна гэж Hindustan Times мэдээлжээ.

Өдөрт хоёр удаа шүдээ угаах нь, амны хөндийн эрүүл ахуй, шүдний толбо, шүд цоорох, амнаас эвгүй үнэр гарах, мэдрэмтгий болох гэх мэтээс сэргийлнэ гэсэн нийтлэг ойлголт байдаг. Гэтэл, ялангуяа унтахынхаа өмнө шүдээ угаах нь зүрхний эрүүл мэндтэй холбоотой байдаг бөгөөд энэ хэвшлийг алгасах нь урт хугацаанд зүрхний эрүүл мэнддээ хохирол учруулж болзошгүй гэсэн судалгааны үр дүн гарчээ.

Анагаах ухааны доктор Кунал Соод 3-р сарын 9-нд Instagram хуудсандаа, шөнийн цагаар амны бактери яаж ийм аюултай болдог талаар ярьсан нэгэн сонирхолтой бичлэгээ хуваалцжээ. Тэрээр, "Судалгаанаас харахад, амны хөндийн эрүүл ахуйг сахихгүй байх нь зүрхний өвчин, зүрхний дутагдалд өртөх эрсдэлийг өсгөдөг. Онол нь, таны аманд хонох бактери цусны урсгал руу нэвтэрч үрэвслийг үүсгэдэг бөгөөд энэ нь таны зүрхэнд тодорхой хугацааны дараа нөлөөлнө. Хэдийгээр эрдэмтэд амны хөндийн эрүүл ахуйг сахихгүй байх нь зүрхний өвчин үүсгэдэг гэдгийг батлаагүй ч хүчтэй холбоосыг олж тогтоосон" гэж ярьжээ. Түүний энэ судалгаа 2023 онд хэвлэгдсэн бөгөөд оройн цагаар шүдээ угаахгүй байх нь ямар хор уршигтай болохыг нарийвчлан харуулсан байна.

Орой шүдээ угаах нь эерэг нөлөө үзүүлдэг бөгөөд шүдээ илүү олон удаа угаадаг хүмүүсийн зүрх, сэтгэл эрүүл байдаг. Судалгаанаас үзэхэд, өдөрт дор хаяж гурван удаа шүдээ угаах нь зүрхний өвчин тусах эрсдэлийг багасгадаг. Түүнчлэн буйлны өвчин, шүд хорхойтох, амны хөндийн эрүүл мэнд муудах нь зүрх судасны өвчнөөр өвчлөх эрсдэлийг өсгөдөг" гэж доктор Соод дүгнэсэн байна.